കോഴിക്കോട്: ഇതര സംസ്ഥാന തൊഴിലാളിയെ സുഹൃത്തുക്കൾ ചേർന്ന് കൊലപ്പെടുത്തി. കൊയിലാണ്ടി ഹാർബറിനു സമീപം മായൻ കടപ്പുറത്താണ് സംഭവം. അസം സ്വദേശിയായ ഡുലു രാജ് ബംഗോഷി (28) ആണ് കൊല്ലപ്പെട്ടത്. പ്രതികളെ ഉടൻ തന്നെ പോലീസ് പിടികൂടി. അസം സ്വദേശികളായ മനരഞ്ജൻ, ലക്ഷി എന്നിവരാണ് അറസ്റ്റിലായത്. ഇന്നലെ രാത്രി 12 മണിയോടെയാണ് സംഭവം. മൂന്നു പേരും ചേർന്ന് മദ്യപിച്ചതിനെ തുടർന്നുണ്ടായ തർക്കമാണ് കൊലപാതകത്തിൽ കലാശിച്ചതെന്ന് പോലീസ് പറഞ്ഞു. പാൻ്റ്സിൻ്റെ ബെൽറ്റ് കഴുത്തിൽ മുറുക്കി കൊലപ്പെടുത്തുകയായിരുന്നു.
കടപ്പുറത്ത് പാറക്കെട്ടിനു സമീപം മദ്യപിച്ച് ബഹളമുണ്ടായതിനെ തുട4ന്ന് നാട്ടുകാർ എത്തിയപ്പോൾ ഒരാൾ കമിഴ്ന്ന് കിടക്കുന്നത് കാണുകയായിരുന്നു. തുടർന്ന് നാട്ടുകാർ പോലീസിൽ വിവരമറിയിച്ചു. പോലീസെത്തി ഉടൻ തന്നെ ഇയാളെ കൊയിലാണ്ടി താലൂക്ക് ആശുപത്രിയിൽ എത്തിച്ചുവെങ്കിലും അപ്പോഴെക്കും മരണമടഞ്ഞിരുന്നു. ഇതിനു പിന്നാലെയാണ് പ്രതികളെ പിടികൂടിയത്.
Read Latest Local News and Malayalam News
പോലീസെത്തിയപ്പോൾ ഒരാൾ കടലിൽ ചാടിയെങ്കിലും നാട്ടുകാരും പോലീസും ചേർന്ന് ഇയാളെ പിടികൂടുകയായിരുന്നു. രണ്ടാമത്തെ ആൾ രക്ഷപ്പെട്ട് കൊയിലാണ്ടി ഗുരുകുലം ബീച്ചിൽ എത്തിയെങ്കിലും പോലീസിൻറെ മിന്നൽ തെരച്ചിലിൽ പിടിയിലായി. കൊയിലാണ്ടി ഹാർബറിലെ തൊഴിലാളികളാണ് മൂവരും.