Authorities To Start First Line Treatment Centre For Asymptomatic Covid Patients In Kozhikode
കൊവിഡ് ലക്ഷണങ്ങളില്ലാത്തവര്‍ക്ക് പ്രത്യേകം എഫ്എല്‍ടിസികള്‍ ഒരുങ്ങുന്നു
കോഴിക്കോട് ജില്ലയിൽ കൊവിഡ് ലക്ഷണങ്ങളില്ലാത്തവര്‍ക്ക് പ്രത്യേകം എഫ്എല്‍ടിസികള്‍ ഒരുങ്ങുന്നു. പലർക്കും വീടുകളില്‍ മതിയായ സൗകര്യമില്ലെന്ന് കണ്ടെത്തിയതിൻ്റെ അടിസ്ഥാനത്തിലാണ് നടപടി.
Lipi25 Sept 2020, 11:52 pm
കോഴിക്കോട്: രോഗലക്ഷണങ്ങളില്ലാത്തവരും കൊവിഡ് സ്ഥിരീകരിച്ചവരും വീടുകളില്‍ നിരീക്ഷണത്തില്‍ കഴിയാന്‍ സൗകര്യങ്ങളില്ലാത്തവരുമായവര്‍ക്ക് തദ്ദേശ സ്വയംഭരണ സ്ഥാപനങ്ങള്‍ക്ക് കീഴില്‍ പ്രത്യേക എഫ്എല്‍ടിസികള്‍ ഒരുങ്ങുന്നു. ഇതിനുള്ള നിര്‍ദ്ദേശം ജില്ലാ കളക്ടര്‍ സാംബശിവറാവു തദ്ദേശ സ്വയംഭരണ സ്ഥാപനങ്ങള്‍ക്ക് നല്‍കി. ജില്ലയില്‍ കൊവിഡ് രോഗികളുടെ എണ്ണം ദിവസേന വര്‍ധിക്കുന്നുണ്ടെങ്കിലും ഭൂരിപക്ഷം പേരും രോഗലക്ഷണങ്ങളില്ലാത്തവരും മറ്റ് ബുദ്ധിമുട്ടുകളില്ലാത്തവരുമാണ്. ഇത്തരം രോഗികള്‍ക്ക് പ്രത്യേക ചികിത്സ ആവശ്യമില്ല. എന്നാല്‍ ഇവര്‍ മറ്റുള്ളവരുമായി സമ്പര്‍ക്കത്തിലേര്‍പ്പെടാന്‍ പാടില്ല. വീടുകളില്‍ നിരീക്ഷണത്തില്‍ കഴിയാനാണ് ആരോഗ്യവകുപ്പ് ഇവര്‍ക്ക് നിര്‍ദ്ദേശം നല്‍കുന്നത്. ഇക്കൂട്ടത്തില്‍ പലര്‍ക്കും വീടുകളില്‍ മതിയായ സൗകര്യമില്ലെന്ന് കണ്ടെത്തിയതിൻ്റെ അടിസ്ഥാനത്തിലാണ് പ്രത്യേകം എഫ്എല്‍ടിസികള്‍ ഒരുക്കുന്നത്.
തദ്ദേശ സ്വയംഭരണ സ്ഥാപനങ്ങളില്‍ നേരത്തെ എഫ്എല്‍ടിസിക്കായി കണ്ടെത്തിയ സ്ഥാപനങ്ങള്‍ ഇതിലേക്കായി ഉപയോഗിക്കാം. 50 ബെഡുകളെങ്കിലും സജ്ജീകരിക്കാന്‍ സൗകര്യമുണ്ടാകണം. എഫ്എല്‍ടിസികള്‍ തദ്ദേശ സ്വയംഭരണ സ്ഥാപനത്തിന്റെ പൂര്‍ണ നിയന്ത്രണത്തിലായിരിക്കും പ്രവര്‍ത്തിക്കുക. മൊബൈല്‍ മെഡിക്കല്‍ ടീം ഓരോ എഫ്എല്‍ടിസിയും സന്ദര്‍ശിക്കുകയും പരിശോധനകള്‍ നടത്തുകയും നിര്‍ദ്ദേശങ്ങള്‍ നല്‍കുകയും ചെയ്യും.
എഫ്എല്‍ടിസിയുടെ നോഡല്‍ ഓഫീസറെയും ശുചീകരണതൊഴിലാളികളെയും വളണ്ടിയര്‍മാരെയും തദ്ദേശ സ്വയംഭരണ സ്ഥാപനങ്ങള്‍ നിയമിക്കും. ആവശ്യമെങ്കില്‍ ബ്ലോക്ക് പഞ്ചായത്ത് ജീവനക്കാരുടെ സേവനവും സെക്രട്ടറിമാര്‍ അനുദിക്കേണ്ടതാണ്. ഭക്ഷണം കുടുംബശ്രീ യൂണിറ്റുകള്‍ വഴി ഏര്‍പ്പെടുത്തേണ്ടതാണെന്നും നിര്‍ദേശിച്ചു. പ്രത്യേക എഫ്എല്‍ടിസികളില്‍ പ്രവേശിപ്പിക്കപ്പെടുന്നവരില്‍ രോഗ ലക്ഷണങ്ങള്‍ കണ്ടെത്തിയാല്‍ മെഡിക്കല്‍ ഓഫീസറെ അറിയിക്കേണ്ടതും നിര്‍ദ്ദേശാനുസരണം ആശുപത്രിയിലേക്കോ ചികിത്സാ സൗകര്യമുള്ള എഫ്എല്‍ടിസികളിലേക്കോ മാറ്റേണ്ടതാണെന്നും കളക്ടര്‍ അറിയിച്ചു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
