കൊവിഡ് പ്രോട്ടോക്കോള്‍ ലംഘിച്ച് ഓണാഘോഷം; സ്വകാര്യമെഡിക്കല്‍ കോളേജിലെ ഡോക്ടര്‍മാരടക്കം 45 പേര്‍ക്കെ

കോഴിക്കോട്: മുക്കം മണാശേരി കെഎംസിടി മെഡിക്കല്‍ കോളേജില്‍ കൊവിഡ് മാനദണ്ഡങ്ങള്‍ പാലിക്കാതെ ഓണാഘോഷ പരിപാടി സംഘടിപ്പിച്ചതിന് 45 പേര്‍ക്കെതിരേ പോലീസ് കേസെടുത്തു. രണ്ടു പഠനവകുപ്പുകളിലെ ഡോക്ടര്‍മാര്‍ ഉള്‍പ്പെടെയുള്ളവരെയാണ് കേസില്‍ പ്രതി ചേര്‍ത്തത്. നഴ്‌സുമാര്‍ അടക്കം 13 ജീവനക്കാര്‍ക്കു കൊവിഡ് സ്ഥിരീകരിച്ചതിനെ തുടര്‍ന്ന് കെഎംസിടി മെഡിക്കല്‍ കോളേജ് ഉള്‍പ്പെടുന്ന വാര്‍ഡ് കണ്‍ടെയ്ന്‍മെന്റ് സോണാക്കിയതാണ്. ഇതിനിടയിലാണ് ഓണാഘോഷം നടത്തിയത്.

Also Read: നൊമ്പരമായി യുവഡോക്ടറുടെ മരണം; അവയവങ്ങള്‍ പുതുജീവനേകിയത് 5 പേര്‍ക്ക്

പീഡിയാട്രിക്, ഗൈനക്കോളജി വിഭാാഗങ്ങളിലായിരുന്ന ആഘോഷം. മാസ്‌ക് ധരിക്കാതെയും സാമൂഹിക അകലം പാലിക്കാതെയുമാണ് പരിപാടികള്‍ നടന്നതെന്നാണ് പരാതി. ഇതിന്റെ ചില ചിത്രങ്ങള്‍ സാമൂഹിക മാധ്യമ ഗ്രൂപ്പുകളില്‍ വന്നതോടെയാണ് സംഭവം പുറത്തറിഞ്ഞത്. പകര്‍ച്ചവ്യാധി നിയന്ത്രണ നിയമത്തിനു പുറമേ ഇന്ത്യന്‍ ശിക്ഷാ നിയമപ്രകാരമുള്ള വകുപ്പുകളും ചേര്‍ത്താണ് കേസെടുത്തിട്ടുള്ളത്. കൂടുതല്‍ വിഭാഗങ്ങളില്‍ ഓണാഘോഷം നടന്നിട്ടുണ്ടോ എന്ന കാര്യം പരിശോധിക്കുന്നുണ്ടെന്നും പോലീസ് അറിയിച്ചു.

Also Read: മയക്കുമരുന്നുമായി 4 യുവാക്കൾ പിടിയിൽ; പരിശോധന നടത്തിയത് രഹസ്യവിവരത്തിന്‍റെ അടിസ്ഥാനത്തില്‍

ഇതിനിടെ ജീവനക്കാര്‍ക്കു കൊവിഡ് സ്ഥിരീകരിച്ച സാഹചര്യത്തില്‍ നഗരസഭയുടെ ആഭിമുഖ്യത്തില്‍ നടത്തിയ കൊവിഡ് പരിശോധനയ്ക്ക് ഹോസ്റ്റലുകളില്‍ നിന്നും മറ്റും സമ്പര്‍ക്കപ്പട്ടികയിലുള്‍പ്പെട്ടവരെ ഓട്ടോയില്‍ കുത്തിനിറച്ചെത്തിച്ചതും വിവാദമായിട്ടുണ്ട്. ഓട്ടോറിക്ഷക്കാരനെതിരേ പോലീസ് കേസെടുത്തു. ആശുപത്രി അധികതരുടെ കൊവിഡ് പ്രോട്ടോക്കോള്‍ ലംഘനത്തിനെതിരേ മുക്കം സിഎച്ച്‌സിയിലെ ഹെല്‍ത്ത് ഇന്‍സ്‌പെക്ടര്‍ നഗരസഭാ അധികൃതര്‍ക്കും പോലീസിനും റിപ്പോര്‍ട്ട് നല്‍കി.