ബോംബ് കേസിൽ പ്രതികളെ പിടികൂടിയില്ല; നാദാപുരത്ത് കോൺഗ്രസ് സത്യാഗ്രഹം

കോഴിക്കോട്: നാദാപുരം കല്ലാച്ചിയിലെ കോൺഗ്രസ് ഓഫീസിന് ബോംബെറിഞ്ഞ കേസിൽ പ്രതികളെ പിടികൂടാത്തതിൽ സമരം ശക്തമാകുന്നു. കോൺഗ്രസ് മണ്ഡലം കമ്മറ്റിയുടെ നേതൃത്വത്തിൽ പോലീസ് സ്റ്റേഷന് മുന്നിൽ സത്യാഗ്രഹം നടത്തി. കെപിസിസി വൈസ് പ്രസിഡൻ്റ് ടി സിദ്ദീഖ് സത്യാഗ്രഹം ഉദ്ഘാടനം ചെയ്തു. കോൺഗ്രസ് ഓഫീസ് ആക്രമണ കേസിൽ പോലീസ് നിഷ്ക്രിയമാണെന്ന് അദ്ദേഹം കുറ്റപ്പെടുത്തി. ഒന്നാം പ്രതി സിപിഎമ്മും പ്രതികളെ പിടികൂടാത്തത് കൊണ്ട് പോലീസ് രണ്ടാം പ്രതിയുമാണെന്ന് സിദ്ദീഖ് പറഞ്ഞു.

Also Read: ജില്ലാകളക്ടറുടെ ഇടപെടല്‍; മഹിളാമാള്‍ തുറക്കാന്‍ വഴിയൊരുങ്ങുന്നു

തിരുവോണ ദിവസം പുലർച്ചെയാണ് നാദാപുരത്തെ കോൺഗ്രസ് ഓഫീസിന് ബോബേറുണ്ടായത്. ഉഗ്രശേഷിയുള്ള സ്റ്റീൽ ബോംബാണ് ഓഫീസിന് നേരെ എറിഞ്ഞത്. അടുത്ത ദിവസങ്ങളിൽ സമീപ പ്രദേശങ്ങളിലെ കോൺഗ്രസ്, ലീഗ്, എൽജെഡി ഓഫീസുകൾക്ക് നേരെയും അക്രമം നടന്നു. ഇതിലെ മൂന്ന് പ്രതികളെ പോലീസ് പിടികൂടിയിരുന്നു. എന്നാൽ ഇതിലെ പ്രതികളെ നിസാര വകുപ്പുകൾ ചേർത്തെന്ന ആരോപണമുണ്ട്. ഇവർക്ക് സ്റ്റേഷൻ ജാമ്യം ലഭിക്കുകയും ചെയ്തു.

Also Read: നാടകപ്രവര്‍ത്തകന്‍ കെഎസ് കോയ അന്തരിച്ചു

കല്ലാച്ചിയിലെ കോൺഗ്രസ് ഓഫീസ് ആക്രമിച്ച കേസിലെ പ്രതികളെ പിടി കൂടാത്തത് പോലീസിന് മേൽ സമ്മർദ്ദമുള്ളത് കൊണ്ടാണെന്നാണ് കോൺഗ്രസ് ആരോപിക്കുന്നത്. പിടികൂടിയ മൂന്ന് പ്രതികളെ കൃത്യമായി ചോദ്യം ചെയ്താൽ മറ്റ് പ്രതികളെ കണ്ടെത്താമെന്നാണ് കോൺഗ്രസ് പറയുന്നത്. നാദാപുരം മണ്ഡലം കോൺഗ്രസ് കമ്മിറ്റി പ്രസിഡൻ്റ് അഡ്വ. കെ എം രഘുനാഥ് അധ്യക്ഷം വഹിച്ചു. അഡ്വ. കെ പ്രവീൺ കുമാർ അഡ്വ. സജീവൻ, മോഹനൻ പാറക്കടവ് തുടങ്ങിയവർ സംസാരിച്ചു. രാവിലെ 10 മണി മുതൽ ഉച്ചയ്ക്ക് ഒരു മണി വരെയാണ് സത്യാഗ്രഹം നടന്നത്.

Also Read: ബിജെപി പ്രവര്‍ത്തകനെ വധിക്കാന്‍ ശ്രമിച്ച കേസ്; 2 പോപ്പുലര്‍ ഫ്രണ്ട് പ്രവര്‍ത്തകര്‍ അറസ്റ്റില്‍

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ