പ്രായപൂര്‍ത്തിയാകാതെ വണ്ടിയോടിച്ചു; 25 വയസുവരെ ഡ്രൈവിംഗ് ലൈസന്‍സ് നല്‍കരുതെന്ന് കോടതി

കോഴിക്കോട്: പ്രായപൂര്‍ത്തിയാകുന്നതിനു മുമ്പ് റോഡില്‍ സ്‌കൂട്ടറോടിച്ച കുട്ടിക്ക് 25 വയസ്സുവരെ ഡ്രൈവിംഗ് ലൈസന്‍സ് നല്‍കരുതെന്ന് കോടതിവിധി. കുട്ടി ഓടിച്ച സ്‌കൂട്ടറിന്റെ രജിസ്‌ട്രേഷന്‍ ഒരു വര്‍ഷത്തേക്ക് റദ്ദ് ചെയ്യണമെന്നും കോടതി ഉത്തരവിട്ടു. കോഴിക്കോട് ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതി (ഒന്ന്) യുടേതാണ് വിധി.

Also Read: മഹിളാമോര്‍ച്ച നേതാവിന്‍റെ ആത്മഹത്യയില്‍ ബിജെപി നേതാവ് അറസ്റ്റില്‍

2019 ലാണ് കേസിനാസ്പദമായ സംഭവം നടന്നത്. കോഴിക്കോട് സിറ്റിയിലെ പന്നിയങ്കര പോലീസാണ് വാഹന പരിശോധനയ്ക്കിടെ പ്രായപൂര്‍ത്തിയാകാത്ത കുട്ടി സ്‌കൂട്ടറുമായി പോകുമ്പോള്‍ പിടികൂടിയത്. തുടര്‍ന്ന്, കേസ് തുടര്‍ നടപടിക്കായി കോടതിയിലേക്ക് വിട്ടു. ഇതുപ്രകാരം 25 വയസ് പൂര്‍ത്തീകരിക്കുന്നത് വരെ ഡ്രൈവിംഗ് ലൈസന്‍സ് നല്‍കുന്നത് വിലക്കിക്കൊണ്ടുള്ള ഉത്തരവ് 2021 നവംബറില്‍ കോടതി പുറപ്പെടുവിച്ചു. ഈ ഉത്തരവ് കഴിഞ്ഞദിവസമാണ് ആര്‍ടിഒയ്ക്ക് ലഭിക്കുന്നത്. ഇതിന്റെ പശ്ചാത്തലത്തില്‍ ഇന്നു മുതല്‍ ഒരു വര്‍ഷത്തേക്കാണ് സ്‌കൂട്ടറിന്റെ രജിസ്‌ട്രേഷന്‍ റദ്ദ് ചെയ്യുകയെന്ന് കോഴിക്കോട് ആര്‍ടിഒ പറഞ്ഞു.

കോഴിക്കോട് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

Also Read: ദീര്‍ഘകാലം ഒരുമിച്ച് ജീവിച്ച ശേഷം ബന്ധം തകരുമ്പോള്‍ ബലാത്സംഗ കുറ്റം ചുമത്തുന്നത് അംഗീകരിക്കാനാവില്ല: സുപ്രീം കോടതി

പിടിച്ചെടുത്ത വാഹനം മോട്ടോര്‍ വാഹന വകുപ്പിനു കീഴിലുള്ള ചേവായൂരിലെ ലൈസന്‍സ് ടെസ്റ്റ് ഗ്രൗണ്ടിലേക്ക് മാറ്റി. സ്‌കൂള്‍ വിദ്യാര്‍ഥികള്‍ ഉള്‍പ്പെടെ നിരവധി പേര്‍ സ്‌കൂട്ടറടക്കമുള്ള വാഹനങ്ങളുമായി റോഡിലിറങ്ങു നഗരത്തിലെ പ്രധാന കാഴ്ചകളിലൊന്നാണ്. ഇപ്പോള്‍ പ്രസ്താവിച്ചതു പോലുള്ള ശിക്ഷകള്‍ മാതൃകാപരമായി നടപ്പാക്കിയാല്‍ ഇത് നിയമം കൈയിലെടുക്കുന്ന കുട്ടികള്‍ക്കും രക്ഷിതാക്കള്‍ക്കുമുള്ള താക്കീതായി മാറുമെന്നാണ് അഭിപ്രായമുയരുന്നത്.