കോഴിക്കോട് സിപിഎം രക്തസാക്ഷിയുടെ സഹോദരി ബിജെപിയിലേക്ക്, ആശയ്ക്ക് പാര്‍ട്ടിയുമായി ബന്ധമില്ലെന്ന് സിപിഎം

കോഴിക്കോട്: സിപിഎം രക്തസാക്ഷിയുടെ സഹോദരി ബിജെപിയില്‍ ചേര്‍ന്നു. വേങ്ങേരിയിലെ സിപിഎം രക്തസാക്ഷി വിജുവിന്‍റെ സഹോദരി പിപി ആശയാണ് ബിജെപിയില്‍ ചേര്‍ന്നത്. കോഴിക്കോട് കോര്‍പ്പറേഷന്‍ 75 -ാം ഡിവിഷനില്‍ മത്സരിക്കുന്ന ബിജെപി സ്ഥാനാര്‍ത്ഥി അഡ്വ. പി സംയുക്താറാണിയുടെ തിരഞ്ഞെടുപ്പ് കണ്‍വെന്‍ഷനില്‍ ബിജെപി സംസ്ഥാന പ്രസിഡന്‍റ് കെ സുരേന്ദ്രനില്‍ നിന്ന് അംഗത്വം ഏറ്റുവാങ്ങി.

Also Read: ബിനീഷ് കോടിയേരിക്കെതിരെ പറഞ്ഞാല്‍ ഇതാണ് അവസ്ഥ!! മുന്‍ ഡ്രൈവറുടെ നേതൃത്വത്തില്‍ ക്രൂരമായ ആക്രമണം, പരാതിയുമായി ലോറന്‍സ്

എന്നാല്‍ ആശയ്ക്ക് പാര്‍ട്ടിയുമായി ബന്ധമില്ലെന്നാണ് സിപിഎമ്മിന്‍റെ പ്രതികരണം. അതുമാത്രമല്ല ഇവരുടെ ഭര്‍ത്താവ് സജീവ ബിജെപി പ്രവര്‍ത്തകനാണെന്നും സിപിഎം ഏരിയാ കമ്മിറ്റി അംഗം കെ കിഷോര്‍ അറിയിച്ചു. അതേസമയം തെരഞ്ഞെടുപ്പ് കണ്‍വെന്‍ഷനില്‍ ബിജെപി കോഴിക്കോട് ജില്ലാ പ്രസിഡന്‍റ് അഡ്വ. വികെ സജീവന്‍, ജില്ലാ ജനറല്‍ സെക്രട്ടറി ടി ബാലസോമന്‍, എലത്തൂര്‍ നിയോജക മണ്ഡലം പ്രസിഡന്‍റ് സിപി സതീഷ്, ജനറല്‍ സെക്രട്ടറി പിസി അഭിലാഷ്, വൈസ് പ്രസിഡന്‍റ് എം സുനില്‍ മാസ്റ്റര്‍, സെക്രട്ടറി പികെ നിത്യാനന്ദന്‍, സിപി അനൂപ് കുമാര്‍, അരുണേഷ്, എ ജനാര്‍ദ്ദനന്‍,കെ.കൃപേഷ്‌ എന്നിവര്‍ പങ്കെടുത്തു.

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ