KM Shaji Land Deal: കെഎം ഷാജിയുടെ ഭൂമിയിടപാട്; എംകെ മുനീറിന്‍റെ ഭാര്യയെ ഇഡി 10 മണിക്കൂര്‍ ചോദ്യം ചെയ്തു!

കോഴിക്കോട്: പ്രതിപക്ഷ ഉപനേതാവും മുസ്ലീം ലീഗ് നിയമസഭാകക്ഷി നേതാവുമായ എം കെ മുനീറിന്‍റെ ഭാര്യയെ എന്‍ഫോഴ്‌സ്‌മെന്‍റ് ചോദ്യം ചെയ്തു. കോഴിക്കോട്ടെ എൻഫോഴ്സ്മെന്‍റ് ഓഫീസിൽ വച്ചാണ് ചോദ്യം ചെയ്‌തത്. കെ എം ഷാജിയുടെ കോഴിക്കോട്ടെ ഭൂമി വാങ്ങിയത് മുനീറിന്‍റെ ഭാര്യയും ചേർന്നാണെന്നുള്ള പരാതിയുടെ ഭാഗമായി ഇഡി അന്വേഷണം നടത്തിയിരുന്നു. ഇതേ കുറിച്ചുള്ള വിവരങ്ങൾ ചോദിച്ചറിയാനാണ് വിളിപ്പിച്ചത്.

Also Read: ബെംഗളൂരു മയക്കുമരുന്ന് കേസ്; കന്നഡ സിനിമ താരങ്ങള്‍ ചതിച്ചു, ബിനീഷിൻ്റെ കൂട്ടാളിയായ തളിപ്പറമ്പ് സ്വദേശി മുങ്ങി!!

അനധികൃത സ്വത്ത് സമ്പാദന കേസിൽ കെ എം ഷാജിക്കെതിരെ നടക്കുന്ന ഇഡി അന്വേഷണത്തിനിടെയാണ് എംകെ മുനീർ എംഎൽഎക്ക് എതിരെയും പരാതി ഉയർന്നത്. കെഎം ഷാജി എംഎൽഎയുടെ വിവാദ ഭൂമി ഇടപാടിൽ എം കെ മുനീറിനും പങ്കെന്നായിരുന്നു പരാതി. ഐ എൻ എൽ നേതാവ് അബ്ദുൾ അസീസാണ് പരാതി നൽകിയത്. വേങ്ങേരിയിലെ വിവാദമായ വീട് ഇരിക്കുന്ന സ്ഥലം വാങ്ങിയത് ഷാജിയും മുനീറും ചേർന്നെന്ന് പരാതിയിൽ പറയുന്നു.

Also Read: കോട്ടയത്ത് സ്ഥാനാര്‍ഥിക്കായി വോട്ട് അഭ്യര്‍ഥിച്ച് ഉമ്മന്‍ ചാണ്ടിയുടെ അനൗണ്‍സ്‌മെന്‍റ്; പ്രിയ നേതാവിനെ കാണാന്‍ ഓടിക്കൂടി വോട്ടര്‍മാര്‍!

സ്ഥലം രജിസ്റ്റർ ചെയ്തത് ഷാജിയുടെയും മുനീറിന്‍റെയും ഭാര്യമാരുടെ പേരിലാണ്. 92 സെന്‍റ് സ്ഥലം വാങ്ങിയത് 1.02 കോടി രൂപയ്ക്കാണെന്നും എന്നാൽ ആധാരത്തിൽ കാണിച്ചത് 37 ലക്ഷം രൂപ മാത്രമാണെന്നതാണ് പരാതിയിൽ പറയുന്നത്. രജിസ്ട്രേഷൻ ഫീസിനത്തിലും സ്റ്റാമ്പ് ഡ്യൂട്ടി ഇനത്തിലും ലക്ഷങ്ങൾ വെട്ടിച്ചെന്നും ആരോപണത്തിൽ പറയുന്നുണ്ട്.

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ