കോഴിക്കോട്: പേരാമ്പ്രയ്ക്കടുത്ത് മേപ്പയ്യൂരിൽ വിവാഹവീട്ടിൽ കൂട്ടയടി. പടക്കം പൊട്ടിച്ചതിനെച്ചൊല്ലി വരന്റെ വീട്ടുകാരും വധുവിന്റെ വീട്ടുകാരും തമ്മിലുണ്ടായ വാക്കുതർക്കമാണ് കൂട്ടത്തല്ലായി മാറിയത്. തിങ്കളാഴ്ചയാണ് സംഭവം. മേപ്പയ്യൂരിലെ വധുവിന്റെ വീട്ടിലേക്ക് വടകരയിൽ നിന്ന് വരനും സംഘവും എത്തിയതോടെയാണ് പ്രശ്നങ്ങൾ തുടങ്ങിയത്. വരന്റെ ഒപ്പം ഉണ്ടായിരുന്നവർ വധുവിന്റെ വീട്ടിൽ വെച്ച് പടക്കം പൊട്ടിച്ചു.
ഇത് ഇഷ്ടപ്പെടാതിരുന്ന വധുവിന്റെ വീട്ടുകാർ ചോദ്യം ചെയ്തു. ഇതേച്ചൊല്ലിയുണ്ടായ വാക്കുതർക്കം നിമിഷ നേരം കൊണ്ട് കയ്യാങ്കളിയിലെത്തുകയായിരുന്നു. മുതിർന്നവരായ ചിലർ ഇടപെട്ട് അടിപിടിക്കാരെ പിടിച്ചു മാറ്റി. പിന്നീട് നാട്ടുകാർ ഇടപെട്ട് പ്രശ്നം പരിഹരിക്കുകയും ചെയ്തു. ആർക്കും പരാതി ഇല്ലാത്തതിനാൽ പോലീസ് കേസെടുത്തിട്ടില്ല. കൂട്ടത്തല്ലിൻ്റെ വീഡിയോ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നുണ്ട്.
ഇത് ഇഷ്ടപ്പെടാതിരുന്ന വധുവിന്റെ വീട്ടുകാർ ചോദ്യം ചെയ്തു. ഇതേച്ചൊല്ലിയുണ്ടായ വാക്കുതർക്കം നിമിഷ നേരം കൊണ്ട് കയ്യാങ്കളിയിലെത്തുകയായിരുന്നു. മുതിർന്നവരായ ചിലർ ഇടപെട്ട് അടിപിടിക്കാരെ പിടിച്ചു മാറ്റി. പിന്നീട് നാട്ടുകാർ ഇടപെട്ട് പ്രശ്നം പരിഹരിക്കുകയും ചെയ്തു. ആർക്കും പരാതി ഇല്ലാത്തതിനാൽ പോലീസ് കേസെടുത്തിട്ടില്ല. കൂട്ടത്തല്ലിൻ്റെ വീഡിയോ സാമൂഹിക മാധ്യമങ്ങളിൽ വ്യാപകമായി പ്രചരിക്കുന്നുണ്ട്.