കോഴിക്കോട് വന്‍ തീപ്പിടുത്തം; ഫ്രാന്‍സിസ് റോഡിലെ 3 നില കെട്ടിടത്തിലാണ് തീപ്പിടുത്തമുണ്ടായത്
ഫയര്‍ഫോഴ്‌സ് വാഹനങ്ങള്‍ക്കു എളുപ്പം കടന്നെത്താനാകാത്ത ഭാഗത്താണ് തീപിടിത്തമുണ്ടായ കെട്ടിടം. സമീപത്ത് വീടുകളുമുണ്ട്. ഈ വീടുകളുടെ കോമ്പൗണ്ടില്‍ നിന്നുള്‍പ്പെടെ വെള്ളം ചീറ്റി. മുന്‍കരുതലെന്ന നിലയില്‍ വീട്ടുകാരെ ഒഴിപ്പിച്ചിരുന്നു.
| Edited byനവീൻ കുമാർ ടിവി | Samayam Malayalam26 Aug 2020, 12:18 am
കോഴിക്കോട്: കോഴിക്കോട് നഗരത്തില്‍ തീപിടിത്തം. കല്ലായ് റോഡ് പുഷ്പജംഗ്ഷനിലെ ഫ്രാന്‍സിസ് റോഡ് ഓവര്‍ബ്രിഡ്ജിനു സമീപത്തെ കെട്ടിടത്തിലാണ് രാത്രി പത്തുമണിയോടെ തീപിടിത്തമുണ്ടായത്. മൂന്നുനില കെട്ടിടത്തിന്റെ മുകളിലത്തെ നിലയിലാണ് തീ വന്‍തോതില്‍ ആളിപ്പടര്‍ന്നത്. താഴത്തെ നിലയില്‍ പ്രവര്‍ത്തിക്കുന്ന ഡിസ്‌കോ ഏജന്‍സി എന്ന സ്ഥാപനം ഗോഡൗണായി ഉപയോഗിക്കുന്ന ഭാഗമാണിത്.
ഹെല്‍മെറ്റ്, റെയിന്‍കോട്ട് തുടങ്ങിയ ഇരുചക്രവാഹന ആക്‌സസറികള്‍ വില്‍ക്കുന്ന സ്ഥാപനമാണിത്. അപകട വിവരമറിഞ്ഞ് ഏറെ വൈകാതെ വെള്ളിമാടുകുന്ന്, മീഞ്ചന്ത, ബീച്ച് സ്‌റ്റേഷനുകളില്‍ നിന്നായി നിരവധി യൂണിറ്റ് ഫയര്‍ഫോഴ്‌സ് സ്ഥലത്തെത്തിയിരുന്നു.
ഫയര്‍ഫോഴ്‌സ് വാഹനങ്ങള്‍ക്കു എളുപ്പം കടന്നെത്താനാകാത്ത ഭാഗത്താണ് തീപിടിത്തമുണ്ടായ കെട്ടിടം. സമീപത്ത് വീടുകളുമുണ്ട്. ഈ വീടുകളുടെ കോമ്പൗണ്ടില്‍ നിന്നുള്‍പ്പെടെ വെള്ളം ചീറ്റി. മുന്‍കരുതലെന്ന നിലയില്‍ വീട്ടുകാരെ ഒഴിപ്പിച്ചിരുന്നു. തീപിടിത്തത്തിന്റെ കാരണം വ്യക്തമല്ല. എട്ടു യൂണിറ്റ് ഫയർഫോഴ്സ് രണ്ടു തവണയായെത്തി രണ്ടു മണിക്കൂറോളം യത്നിച്ചിട്ടും 80 ശതമാനം തീ അണയ്ക്കാനെ സാധിച്ചുള്ളൂ. രാത്രി വൈകിയും രക്ഷാപ്രവർത്തനം തുടരുകയാണ്. രണ്ടാം നിലയിലേക്ക് തീ ആളിയതും ഗ്ലാസ് പൊട്ടിത്തെറിച്ചതും രക്ഷാപ്രവർത്തനത്തെ ബാധിച്ചു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
