നാദാപുരം: ജീവിതത്തിലെ ഇഴപിരിയാത്ത സൗഹൃദം മുഖ്യമന്ത്രിയുടെ പോലീസ് മെഡലിലും കാത്ത് സൂക്ഷിച്ച് ഷാനിയും സിന്ധുവും. സീനിയർ സിവിൽ പോലീസ് ഓഫീസർമാരായ പാതിരപറ്റ ചെറിയ കൈവേലിയിലെ തയ്യിൽ പൊയിൽ സിന്ധുവും പീടിക മീത്തൽ ഷാനിയുമാണ് ഇഴപിരിയാത്ത സൗഹൃദത്തോടൊപ്പം സ്തുത്യർഹ സേവനത്തിനുള്ള മുഖ്യമന്ത്രിയുടെ പോലീസ് മെഡലും ഒരുമിച്ച് നേടിയത്.
അയൽക്കാരും കളിക്കൂട്ടുകാരുമായിരുന്നു ഷാനിയും സിന്ധുവും. നാലാം ക്ലാസ് മുതൽ കോളേജ് തലങ്ങളിലും ഒരുമിച്ച് മുന്നേറിയ ഇവരുടെ പോലീസിലേക്കുള്ള കാൽവെപ്പും ഒരുമിച്ചായിരുന്നു. ഇരുവരുടെയും കുടുംബങ്ങൾ തമ്മിലുള്ള അടുപ്പം നാളിതുവരെയായി കാത്ത് സൂക്ഷിക്കുകയാണ്. 2004 ജൂലൈയിലാണ് രണ്ട് പേരും 7810, 7815 നമ്പറുകളിൽ ബറ്റാലിയൻ അംഗങ്ങളാവുന്നത്. 2005 ൽ വടകര പോലീസ് സ്റ്റേഷനിലായിരുന്നു ആദ്യ നിയമനം. വളയം, നാദാപുരം, വടകര വനിത സെൽ എന്നിവിടങ്ങളിൽ സിന്ധുവും ഷാനിയും ജോലി ചെയ്തു.
നിലവിൽ വടകര പിങ്ക് പോലീസ് വാഹനത്തിൻ്റെ ഡ്രൈവറാണ് സിന്ധു. സ്കൂളുകളിൽ നിന്ന് മുങ്ങി ചുറ്റിക്കറങ്ങുന്ന വിദ്യാർഥികൾക്കും പൂവാലന്മാർക്കും പിന്നാലെയാണ് സദാസമയം. വഴി തെറ്റുന്ന യുവ മനസുകൾക്ക് നല്ല വഴികാട്ടിയാണ് ഈ പോലീസുകാരി. നാദാപുരം പോലീസ് സ്റ്റേഷനിലെ അസി. ബീറ്റ് ഓഫീസറാണ് ഷാനി. സ്റ്റുഡൻസ് പോലീസ് അസി. ഡ്രിൽ ഇൻസ്ട്രക്ടർ ട്രൈബൽ ജനമൈത്രി അസി. ബീറ്റ് ഓഫീസർ, റൂറൽ പോലീസിലെ ഹോപ്പ് പദ്ധതി അഡ്മിനിസ്ട്രഷനായും പ്രവർത്തിച്ചു. റൂറൽ വനിത സെൽ സ്ത്രീ സുരക്ഷയിൽ അവബോധം ഉണ്ടാക്കാൻ അവതരിപ്പിച്ച അനന്തരം ആനി എന്ന നാടകത്തിൽ ഇരുവരും പ്രധാന വേഷങ്ങൾ കൈകാര്യം ചെയ്തത് ശ്രദ്ധേയമായിരുന്നു. സംസ്ഥാനത്ത് 40 സ്റ്റേജുകളിലൂടെയാണ് ഇവരടങ്ങുന്ന സംഘം നാടകം അരങ്ങിലെത്തിച്ചത്.
കോഴിക്കോട് എആർ ക്യാമ്പിൽ ഉത്തരമേഖല ഐജി അശോക് യാദവ് ആണ് കഴിഞ്ഞ ദിവസം ഇരുവരെയും മെഡലുകൾ നൽകി ആദരിച്ചത്. സിന്ധുവിൻ്റെ ഭർത്താവ് പ്രദീപ്. മക്കൾ ജ്യോതിർ എസ് പ്രദീപ്, ദീപ്തിർ എസ് പ്രദീപ്. ഷാനി ഇപ്പോൾ നാദാപുരത്താണ് താമസം. ഭർത്താവ് ഷൈജിത്ത്. മക്കൾ. രൂപിക എസ്, ആയുഷ് എസ് എന്നിവരാണ്.
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
അയൽക്കാരും കളിക്കൂട്ടുകാരുമായിരുന്നു ഷാനിയും സിന്ധുവും. നാലാം ക്ലാസ് മുതൽ കോളേജ് തലങ്ങളിലും ഒരുമിച്ച് മുന്നേറിയ ഇവരുടെ പോലീസിലേക്കുള്ള കാൽവെപ്പും ഒരുമിച്ചായിരുന്നു. ഇരുവരുടെയും കുടുംബങ്ങൾ തമ്മിലുള്ള അടുപ്പം നാളിതുവരെയായി കാത്ത് സൂക്ഷിക്കുകയാണ്. 2004 ജൂലൈയിലാണ് രണ്ട് പേരും 7810, 7815 നമ്പറുകളിൽ ബറ്റാലിയൻ അംഗങ്ങളാവുന്നത്. 2005 ൽ വടകര പോലീസ് സ്റ്റേഷനിലായിരുന്നു ആദ്യ നിയമനം. വളയം, നാദാപുരം, വടകര വനിത സെൽ എന്നിവിടങ്ങളിൽ സിന്ധുവും ഷാനിയും ജോലി ചെയ്തു.
നിലവിൽ വടകര പിങ്ക് പോലീസ് വാഹനത്തിൻ്റെ ഡ്രൈവറാണ് സിന്ധു. സ്കൂളുകളിൽ നിന്ന് മുങ്ങി ചുറ്റിക്കറങ്ങുന്ന വിദ്യാർഥികൾക്കും പൂവാലന്മാർക്കും പിന്നാലെയാണ് സദാസമയം. വഴി തെറ്റുന്ന യുവ മനസുകൾക്ക് നല്ല വഴികാട്ടിയാണ് ഈ പോലീസുകാരി. നാദാപുരം പോലീസ് സ്റ്റേഷനിലെ അസി. ബീറ്റ് ഓഫീസറാണ് ഷാനി. സ്റ്റുഡൻസ് പോലീസ് അസി. ഡ്രിൽ ഇൻസ്ട്രക്ടർ ട്രൈബൽ ജനമൈത്രി അസി. ബീറ്റ് ഓഫീസർ, റൂറൽ പോലീസിലെ ഹോപ്പ് പദ്ധതി അഡ്മിനിസ്ട്രഷനായും പ്രവർത്തിച്ചു. റൂറൽ വനിത സെൽ സ്ത്രീ സുരക്ഷയിൽ അവബോധം ഉണ്ടാക്കാൻ അവതരിപ്പിച്ച അനന്തരം ആനി എന്ന നാടകത്തിൽ ഇരുവരും പ്രധാന വേഷങ്ങൾ കൈകാര്യം ചെയ്തത് ശ്രദ്ധേയമായിരുന്നു. സംസ്ഥാനത്ത് 40 സ്റ്റേജുകളിലൂടെയാണ് ഇവരടങ്ങുന്ന സംഘം നാടകം അരങ്ങിലെത്തിച്ചത്.
കോഴിക്കോട് എആർ ക്യാമ്പിൽ ഉത്തരമേഖല ഐജി അശോക് യാദവ് ആണ് കഴിഞ്ഞ ദിവസം ഇരുവരെയും മെഡലുകൾ നൽകി ആദരിച്ചത്. സിന്ധുവിൻ്റെ ഭർത്താവ് പ്രദീപ്. മക്കൾ ജ്യോതിർ എസ് പ്രദീപ്, ദീപ്തിർ എസ് പ്രദീപ്. ഷാനി ഇപ്പോൾ നാദാപുരത്താണ് താമസം. ഭർത്താവ് ഷൈജിത്ത്. മക്കൾ. രൂപിക എസ്, ആയുഷ് എസ് എന്നിവരാണ്.
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ