കോഴിക്കോട് കോഫി ഹൗസില്‍ ലോക്ക് ഡൗണ്‍ ലംഘനം; ഭക്ഷണം വിളമ്പി, ജീവനക്കാര്‍ക്കെതിരെ കേസ്!

കോഴിക്കോട്: ഇന്ത്യന്‍ കോഫി ഹൗസില്‍ ലോക്ക് ഡൗണ്‍ ലംഘിച്ച് ഭക്ഷണം വിളമ്പി. കോഴിക്കോട്ടെ കോഫി ഹൗസിലാണ് ലോക്ക് ഡൗണ്‍ ലംഘനം നടന്നത്. ഹോട്ടലുകളില്‍ ഇരുന്ന് ഭക്ഷണം കഴിക്കരുതെന്നാണ് സര്‍ക്കാര്‍ നിര്‍ദേശം. ഈ നിര്‍ദേശം തള്ളിയാണ് ഹോട്ടലിനുള്ളില്‍ ഭക്ഷണം വിളമ്പിയത്. കുറച്ച് ദിവസങ്ങളായി ഇത്തരത്തില്‍ ഭക്ഷണം വിളമ്പിയിട്ടുണ്ടെന്നാണ് ആരോപണം.

Also Read: കൊല്ലത്ത് ആറാം ക്ലാസുകാരനെ മർദ്ദിച്ച് മാല കവർന്നു; പിന്നിൽ ബൈക്കിലെത്തിയ മൂന്നംഗ സംഘം!

അതേസമയം പുറത്തുനിന്ന് വരുന്നവര്‍ക്ക് ഭക്ഷണം വിളമ്പിയിട്ടില്ലെന്നാണ് ഹോട്ടല്‍ അധികൃതരുടെ വാദം. ഹോട്ടലിലെ ജീവനക്കാര്‍ക്ക് വേണ്ടിയാണ് ഭക്ഷണം വിളമ്പിയതെന്നും അവര്‍ വ്യക്തമാക്കുന്നു. എന്നാല്‍ നിരവധി പേര്‍ പുറത്ത് നിന്ന് എത്തി ഭക്ഷണം കഴിക്കുന്നതിന്റെ ദൃശ്യങ്ങള്‍ പുറത്ത് വന്നിട്ടുണ്ട്.

Also Read: കൊവിഡ് ഭീതിക്കിടെകനത്ത മഴയും; തിരുവനന്തപുരം ആശങ്കയില്‍!! വെള്ളപ്പൊക്കം... വ്യാപക കൃഷിനാശം!

സംഭവം വാര്‍ത്തയായതിന് പിന്നാലെ പോലീസ് സ്ഥലത്തെത്തുകയും ആളുകളുടേയും ഹോട്ടല്‍ ജീവനക്കാരുടേയും മൊഴി എടുക്കുകയും ഹോട്ടല്‍ അടപ്പിക്കുകയുമായിരുന്നു. ഹോട്ടലിനെതിരെ കര്‍ശന നടപടിയെടുക്കുമെന്ന് ജില്ലാ ഭരണകൂടവും അറിയിച്ചു. ഹോട്ടല്‍ അധികൃതര്‍ക്കെതിരെയും ഭക്ഷണം കഴിക്കാന്‍ വന്നവര്‍ക്കെതിരെയും പോലീസ് കേസ് രജിസ്റ്റര്‍ ചെയ്തു.

Also Read: കൊച്ചിയിലെ വെള്ളക്കെട്ടിന് ഉടന്‍ പരിഹാരം; കളക്ടര്‍ എസ് സുഹാസിന്റെ വാക്കുകള്‍ ഇങ്ങനെ...

ഹോട്ടലിന്റെ പിന്‍വശത്തേക്കുള്ള ഭാഗത്തായിട്ടായിരുന്നു ഭക്ഷണം കഴിക്കാനുള്ള സ്ഥലം ഹോട്ടല്‍ അധികൃതര്‍ ഒരുക്കിയത്. എന്നാല്‍ വെള്ളിയാഴ്ച ആളുകള്‍ കൂടിയതോടെ സാധാരണ നിലയില്‍ തന്നെ ഭക്ഷണം വിളമ്പുകയായിരുന്നു. ഹോട്ടലിന്‍റെ പിറകിലുള്ള വാതിലൂടെയാണ് ആളുകള്‍ക്ക് പ്രവേശനം അനുവദിച്ചിരുന്നത് എന്നാണ് പുറത്ത് വരുന്ന റിപ്പോര്‍ട്ടുകള്‍.