കോഴിക്കോട് : മംഗലാപുരത്ത് നിന്ന് മോഷ്ടിച്ച ബൈക്ക് കോഴിക്കോട് വച്ച് പോലീസ് പിടികൂടി. ബൈക്ക് മോഷ്ടിച്ച കാസർഗോഡ് ചേർക്കളം പൈക്ക അബ്ദുൾ സുഹൈബ് (20) നെ നടക്കാവ് പോലീസ് അറസ്റ്റ് ചെയ്തു. കഴിഞ്ഞ ദിവസം നടക്കാവ് കൊട്ടാരം റോഡിൽ വാഹന പരിശോധനക്കിടെ പോലീസിനെ കണ്ട് വാഹനം ഉപേക്ഷിച്ച് ഇയാൾ ഓടി രക്ഷപ്പെടുകയായിരുന്നു.
പിന്നീട് റോഡിലെ സിസിടിവി ദ്യശ്യങ്ങളുടെ സഹായത്തോടെ വാഹനം ഓടിച്ച ആളെ കണ്ടെത്തി. ഇയാൾ കോഴിക്കാട് ജൂസ് കടയിൽ ജൂസ് മെയിക്കറായി ജോലി ചെയ്തവരികയാണെന്ന് മനസ്സിലാക്കുകയും ചെയ്തു. തുടർന്നാണ് പ്രതിയെ കസ്റ്റഡിയിലെടുത്ത് അറസ്റ്റ് ചെയ്തത്. കാസർഗോഡ് ഉള്ള മറ്റൊരു പ്രതിയുമായി കൂടി ചേർന്നാണ് വാഹനം മോഷ്ടിച്ചത്. ഇയാളെക്കുറിച്ച് അന്വേഷണം ആരംഭിച്ചിട്ടുണ്ട്.
പ്രതിയെ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു. നടക്കാവ് സബ് ഇൻസ്പെക്ടർമാരായ ബിനു മോഹൻ,ലബാബു പുതുശ്ശേരി, എഎസ്ഐ ശശികുമാർ സീനിയർ സിവിൽ പോലീസ് ഓഫീസർ ശ്രീകാന്ത് എംവി ബബിത്ത് കുറുമണ്ണിൽ എന്നിവരടങ്ങിയ സംഘമാണ് പ്രതിയെ പിടികൂടിയത്.
Read Latest Local News and Malayalam News
കോഴിക്കോട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Also Read: കൂളിംഗ് ഗ്ലാസ് വെച്ചെത്തിയ വിദ്യാർത്ഥിക്ക് സീനിയേഴ്സിന്റെ മർദ്ദനം; കണ്ണിന് ചുറ്റും ഇടിച്ചു