കോഴിക്കോട്: കോഴിക്കോട് ജില്ലയിൽ ഇന്ന് ഒരു കൊവിഡ് കേസ് കൂടി സ്ഥിരീകരിച്ചു. 39 വയസുള്ള തൂണേരി സ്വദേശിക്കാണ്‌ രോഗം സ്ഥിരീകരിച്ചത്. മെയ് 12 നു ദുബായ്-കണ്ണൂർ വിമാനത്തിൽ കണ്ണൂരില്‍ എത്തിയ ഇദ്ദേഹം പ്രത്യേക വാഹനത്തില്‍ വടകര കൊവിഡ് കെയർ സെന്ററിൽ എത്തി അവിടെ നിരീക്ഷണത്തിൽ ആയിരുന്നു.
Also Read: 'അഞ്‍ജനയുടെ മരണത്തിന് പിന്നിൽ 4 പേർ; മകളെ എന്ത് ചെയ്‌തെന്ന് അറിയില്ല': അന്വേഷണം വേണമെന്ന് അമ്മ
മെയ് 22 നു സ്രവപരിശോധന നടത്തുകയും പോസിറ്റീവ് ആയതിനെ തുടർന്ന് ഇന്ന് ഫസ്റ്റ് ലൈൻ ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ് ഹൗസിലേക്ക് മാറ്റുകയും ചെയ്തു. ഇപ്പോൾ ആരോഗ്യ നില തൃപ്തികരമാണ്. അതേസമയം കൊവിഡ്-19 സ്ഥിരീകരിച്ച് കോഴിക്കോട് ജില്ലയില്‍ ചികിത്സയിലായിരുന്ന വയനാട് സ്വദേശിനി ഇന്ന് മരിച്ചു. മെയ് 20ന് ദുബായില്‍ നിന്ന് കേരളത്തില്‍ ചികിത്സക്കായെത്തിയ ഇവര്‍ കാന്‍സര്‍ രോഗ ബാധിതയായിരുന്നു.
Also Read: വയനാടിൻ്റെ സ്വന്തം രാഹുൽ ഗാന്ധി... ഹിന്ദി ഹൃദയഭൂമിയിൽ നിന്ന് ചുരം കയറിയിട്ട് ഒരു വർഷം!! പ്രോഗ്രസ് റിപ്പോര്‍ട്ട് ഇങ്ങനെ
നിലവില്‍ 11 കോഴിക്കോട് സ്വദേശികള്‍ കൊവിഡ് പോസിറ്റീവായി കോഴിക്കോട് മെഡിക്കല്‍ കോളേജിലും 5 പേര്‍ കൊവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററിലും 5 പേര്‍ കണ്ണൂര്‍ ജില്ലയിലും ചികിത്സയിലുണ്ട്. ആകെ 21 കോഴിക്കോട് സ്വദേശികളാണ് പോസിറ്റീവായി ചികിത്സയിലുള്ളത്. ഇതുകൂടാതെ രണ്ട് മലപ്പുറം സ്വദേശികളും കാസര്‍ഗോഡ്, കണ്ണൂര്‍ സ്വദേശികളായ ഓരോരുത്തരും പോസിറ്റീവായി കോഴിക്കോട് മെഡിക്കല്‍ കോളേജിലുണ്ട്.
Also Read: അമ്മയും മകനും സഞ്ചരിച്ച ആക്ടിവ നിയന്ത്രണം വിട്ടു മറിഞ്ഞു; പരിക്കേറ്റ അമ്മ മരിച്ചു, മകന്‍ നിസാര പരിക്കോടെ രക്ഷപ്പെട്ടു