കോഴിക്കോട്(Kozhikode): ദുരൂഹ സാഹചര്യത്തിൽ മരണപ്പെട്ട മോഡലും നടിയുമായ ഷഹാനയുടെ ഭർത്താവ് സജാദിന് ലഹരിക്കച്ചവടമെന്ന് പോലീസ്. ഭക്ഷണ വിതരണത്തിന്റെ മറവിലായിരുന്നു ലഹരി ഇടപാട്. ലഹരി ഉപയോഗിക്കുന്നതിനുള്ള ഉപകരണങ്ങൾ ഇവരുടെ വീട്ടിൽ നിന്നും കണ്ടെത്തി. കഴിഞ്ഞ ദിവസം ഷഹാനയും സജാദും താമസിച്ചിരുന്ന കോഴിക്കോട്ടെ വാടക ഫ്ലാറ്റിൽ നിന്നും പോലീസിന് ലഹരി മരുന്നിന്റെ അവശിഷ്ടങ്ങൾ ലഭിച്ചിരുന്നു. മുറിക്കുള്ളിൽ ഇന്ന് പോലീസ് ശാസ്ത്രീയ പരിശോധനകൾ നടത്തും. വെള്ളിയാഴ്ചയാണ് ഷഹാനയെ മരിച്ച നിലയിൽ കണ്ടത്. അയൽവാസികൾ എത്തിയപ്പോൾ സജാദിന്റെ മടിയിൽ കിടക്കുന്ന നിലയിലായിരുന്നു ഷഹാന. അയൽവാസികൾ പോലീസിനെ വിവരം അറിയിക്കുകയായിരുന്നു. ഷഹാനയെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചിരുന്നെങ്കിലും മരണം സ്ഥിരീകരിക്കുകയായിരുന്നു. ഇരുവരും തമ്മിൽ വഴക്ക് പതിവായിരുന്നുവെന്നാണ് ബന്ധുക്കൾ ആരോപിക്കുന്നത്. സജാദ് ഷഹാനയെ മാനസികമായും ശാരീരികുമായി പീഡിപ്പിച്ചിരുന്നുവെന്ന് ഷഹാനയുടെ ഉമ്മ ആരോപിച്ചിരുന്നു.
Also Read: 20കാരി ഷഹാനയും 31കാരൻ സജാദും വിവാഹിതരായത് ഒന്നര വർഷം മുമ്പ്; സജാദിന് ഇന്ന് നിർണായകം, മുറിക്കുള്ളിൽ ശാസ്ത്രീയ പരിശോധന
അതേസമയം സജാദിനെ ഇന്ന് പോലീസ് കോടതിയിൽ ഹാജരാക്കും. സ്ത്രീധന പീഡനം, ആത്മഹത്യാ പ്രേരണ എന്നീ വകുപ്പുകൾ ചുമത്തിയാണ് സജാദിനെ പോലീസ് അറസ്റ്റ് ചെയ്ത്. ഷഹാനയുടെ മരണം ആത്മഹത്യ തന്നെയാണെന്നാണ് പ്രാഥമിക നിഗമനം. അതേസമയം ശരീരത്തിൽ ചെറിയ മുറിവുകൾ കണ്ടെത്തിയിട്ടുണ്ട്. ഒന്നര വർഷം മുമ്പാണ് 20കാരി ഷഹാനയും 31കാരൻ സജാദും വിവാഹിതരാകുന്നത്. കോഴിക്കോട് ചെറുകുളം സ്വദേശിയാണ് സജാദ്. കാസർകോട് ചെറുവത്തൂർ തിമിരിയിൽ സ്വദേശിനിയാണ് ഷഹാന. ഒരു തമിഴ് സിനിമയിൽ അഭിനയിക്കാൻ ഷഹാനയ്ക്ക് അവസരം ലഭിച്ചിരുന്നു. ഇതിനിടെയിലാണ് ദാരുണാന്ത്യം.
Topic: Kozhikode, model shanana death, sajad arrest
Also Read: 20കാരി ഷഹാനയും 31കാരൻ സജാദും വിവാഹിതരായത് ഒന്നര വർഷം മുമ്പ്; സജാദിന് ഇന്ന് നിർണായകം, മുറിക്കുള്ളിൽ ശാസ്ത്രീയ പരിശോധന
അതേസമയം സജാദിനെ ഇന്ന് പോലീസ് കോടതിയിൽ ഹാജരാക്കും. സ്ത്രീധന പീഡനം, ആത്മഹത്യാ പ്രേരണ എന്നീ വകുപ്പുകൾ ചുമത്തിയാണ് സജാദിനെ പോലീസ് അറസ്റ്റ് ചെയ്ത്. ഷഹാനയുടെ മരണം ആത്മഹത്യ തന്നെയാണെന്നാണ് പ്രാഥമിക നിഗമനം. അതേസമയം ശരീരത്തിൽ ചെറിയ മുറിവുകൾ കണ്ടെത്തിയിട്ടുണ്ട്. ഒന്നര വർഷം മുമ്പാണ് 20കാരി ഷഹാനയും 31കാരൻ സജാദും വിവാഹിതരാകുന്നത്. കോഴിക്കോട് ചെറുകുളം സ്വദേശിയാണ് സജാദ്. കാസർകോട് ചെറുവത്തൂർ തിമിരിയിൽ സ്വദേശിനിയാണ് ഷഹാന. ഒരു തമിഴ് സിനിമയിൽ അഭിനയിക്കാൻ ഷഹാനയ്ക്ക് അവസരം ലഭിച്ചിരുന്നു. ഇതിനിടെയിലാണ് ദാരുണാന്ത്യം.
Topic: Kozhikode, model shanana death, sajad arrest