ടതിയാണ് പോലീസ് സ്റ്റേഷനെന്ന്. തങ്ങളുടെ പ്രശ്നങ്ങൾക്ക് പരിഹാരമുണ്ടാകുമെന്ന വിശ്വാസത്തിലാണ് ഓരോരുത്തരും പോലീസ് സ്റ്റേഷനെ ആശ്രയിക്കുന്നത്. എന്നാൽ ജനങ്ങളുടെ വിശ്വാസങ്ങളെ മുതലെടുക്കുന്ന ചില പോലീസുകാരുമുണ്ടെന്നാണ് പുറത്ത് വരുന്ന റിപ്പോർട്ടകൾ തെളിയിക്കുന്നത്.
എസ്ഐ സസ്പെൻഷനിൽ
കോട്ടയത്ത് മാങ്ങ മോഷ്ടിച്ച സംഭവം പോലീസ് വകുപ്പിന് നേണക്കേട് ഉണ്ടാക്കിയതിന് പിന്നാലെ വടകരിൽ നിന്നും അതേ തരത്തിൽ മറ്റൊരു റിപ്പോർട്ട് കൂടി പുറത്ത് വരികയാണ്. കുടുംബ ബന്ധം തകർക്കാൻ ശ്രമിക്കുന്നുവെന്ന ഗൃഹനാഥന്റെ പരാതിയിൽ എസ്ഐ സസ്പെൻഷനിലായെന്നാണ് പുറത്ത് വരുന്ന റിപ്പോർട്ട്. കൽപറ്റ എസ്ഐ അബ്ദുൽ സമദിനെയാണ് അച്ചടക്ക ലംഘനത്തിനും സ്വഭാവ ദൂഷ്യത്തിനും ഡിഐജി രാഹുൽ ആർ.നായർ സസ്പെൻഡ് ചെയ്തത്.
എസ്ഐ സസ്പെൻഷനിൽ
കുടുംബ കലഹം പരിഹരിക്കാനായി സ്റ്റേഷനിൽ എത്തിയതായിരുന്നു യുവതിയും ഭർത്താവും. എടച്ചേരി എസ്ഐ ആയിരുന്നു ആ സമയത്ത് അബ്ദുൽ സമദ്. കലഹം തീർക്കാനെത്തിയ യുവതിയുമായി എസ്ഐ ബന്ധം സ്ഥാപിക്കുകയായിരുന്നു. യുവതിയെ പ്രലോഭിപ്പിച്ച് പല സ്ഥലങ്ങളിലും കൊണ്ടു പോയതായും ചിത്രങ്ങൾ പകർത്തിയതായും ഭർത്താവ് ആരോപണം ഉന്നയിക്കുകയായിരുന്നു. വീടു വിട്ട് ഇറങ്ങാൻ പ്രേരിപ്പിച്ചതായും ഭർത്താവ് പരാതി നൽകിയിരുന്നു.
ഭർത്താവിന് ഭീഷണി
ഇരുവരുടെയും ബന്ധം ചോദ്യം ചെയ്തതിന് ദേഹോപദ്രവം ഏൽപിക്കുമെന്ന് ഭീഷണിപ്പെടുത്തിയതായും ഭർത്താവ് റൂറൽ എസ്പിക്ക് പരാതി നൽകിയിരുന്നു. ഇതിനെ തുടർന്ന് അന്വേഷണ വിധേയമായി അബ്ദുൽ സമദിനെ കൽപറ്റയിലേക്ക് സ്ഥലം മാറ്റി. എന്നാൽ അതിന് ശേഷവും എസ്ഐയുടെ ഭീഷണി തുടരുകയായിരുന്നു. ഭീഷണി തുടരുന്ന സാഹചര്യത്തിൽ വതിയുടെ ഭർത്താവും മക്കളും കണ്ണൂർ റേഞ്ച് ഡിഐജിക്ക് പരാതി നൽകുകയായിരുന്നു. ഇതിന് തുടർന്നാണ് അന്വേഷണ വിധേയമായി അബ്ദുൾ സമദിനെ സസ്പെൻഡ് ചെയ്തത്. യുവതിയുടെ മക്കൾ ബാലാവകാശ കമ്മിഷനും പരാതി നൽകിയിട്ടുണ്ട്.