കൊയിലാണ്ടിയിൽ എബിവിപി മാർച്ചിൽ സംഘർഷം; പോലീസുകാർക്കും പ്രവർത്തകർക്കും പരിക്ക്

കോഴിക്കോട്: എൻഐഎയും കസ്റ്റംസും ചോദ്യചെയ്ത ഉന്നത വിദ്യാഭ്യാസ മന്ത്രി കെ ടി ജലീൽ രാജിവെക്കണമെന്നാവശ്യപ്പെട്ട് എബിവിപി കൊയിലാണ്ടി നഗർ സമിതി നടത്തിയ കൊയിലാണ്ടി താലൂക്ക് ഓഫീസ് മാർച്ചിൽ സംഘർഷം. മൂന്ന് എബിവിപി പ്രവർത്തകർക്കും നാല് പോലീസുകാർക്കും പരിക്കേറ്റു.
എബിവിപി ജില്ലാ പ്രസിഡൻ്റ് അമൽ മനോജ്, ആകാശ്, പ്രണവ് തുടങ്ങിയവർക്കും പോലീസ് സിഐ കെ സി സുഭാഷ് ബാബു, എഎസ്ഐ, സതീഷ്, സിവിൽ പോലീസ് ഓഫീസർ മണികണ്ഠൻ, എൻ എം സുനിൽ തുടങ്ങിയവർക്കുമാണ് പരിക്കേറ്റത്. പരിക്കേറ്റവർ താലൂക്ക് ആശുപത്രിയിൽ ചികിത്സ തേടി.

Also Read: മൂന്നിടത്ത് നിന്നായി 20 കിലോ കഞ്ചാവ് പിടികൂടി; 6 യുവാക്കള്‍ അറസ്റ്റില്‍

വെള്ളിയാഴ്ച ഉച്ചയ്ക്ക് 12 മണിയോടെയാണ് 40 ഓളം വരുന്ന എബിവിപി പ്രവർത്തകർ മാർച്ചുമായി എത്തിയത്. ഡിവൈഎസ്പി പ്രിൻസ് എബ്രഹാം, എഎസ് പി രാജ് പ്രസാദ്, കൊയിലാണ്ടി സിഐ കെ സി സുബാഷ് ബാബുവിൻ്റെയും നേതൃത്വത്തിൽ വൻ പോലീസ് സന്നാഹം സ്ഥലത്തുണ്ടായിരുന്നു. മാർച്ചിൻ്റെ തുടക്കത്തിൽ തന്നെ പോലീസ് വലയം ഭേദിച്ച് കടക്കാനുള്ള പ്രവർത്തകരുടെ ശ്രമം തടഞ്ഞു. തുടർന്ന് ജില്ലാ പ്രസിഡൻ്റ് അമൽ മനോജ് മാർച്ച് ഉദ്ഘാടനം ചെയ്തു. വീണ്ടും പ്രവർത്തകർ പോലീസ് വലയം ഭേദിച്ച് കടക്കാനുള്ള ശ്രമം നടത്തിയെങ്കിലും ഉന്തിലും തള്ളിലും കലാശിച്ചു.

Also Read: കോഴിക്കോട് ജില്ലയില്‍ രണ്ട് കൊവിഡ് ആശുപത്രികള്‍ കൂടി തുറന്നു

വീണ്ടും സംഘടിച്ചെത്തിയ പ്രവർത്തകർ പോലീസുമായി ഉന്തും തള്ളും നടത്തിയത് സംഘർഷത്തിൽ കലാശിച്ചു. പ്രവർത്തകരെ പിന്നോട്ടു മാറ്റിയ പോലീസിനു നേരെ കല്ലേറുണ്ടായി. പോലീസ് ലാത്തിവീശി പ്രവർത്തകരെ വിരട്ടി. ഇതിനിടയിൽ കൊടികെട്ടിയ കമ്പും ചെറിയ തോതിൽ കല്ലേറുമുണ്ടായി. തുടർന്നു ദേശീയ പാത ഉപരോധിക്കാനുള്ള നീക്കം പോലീസ് തടഞ്ഞു. സംഭവത്തിൽ, അർജുൻ, അതുൽ, പ്രണവ്, തുടങ്ങിയവരെ പോലീസ് അറസ്റ്റു ചെയ്തു. ഇവർക്കെതിരെ വിവിധ വകുപ്പുകൾ പ്രകാരം കേസെടുത്തു. കോടതിയിൽ ഹാജരാക്കി.

Also Read: ജലീലിന്റെ രാജി ആവശ്യപ്പെട്ട് യുവജന സംഘടനകള്‍; കോഴിക്കോട്ട് സമരക്കാര്‍ക്കുനേരേ ജലപീരങ്കി


കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ