കോഴിക്കോട്: ലോക്ക് ഡൗണ്‍ കാലത്ത് നഗരത്തിലെ രോഗികള്‍ക്കും അഗതികള്‍ക്കും ഭക്ഷണം ഉറപ്പാക്കുന്ന വലിയ ദൗത്യം ഏറ്റെടുത്ത് സ്റ്റുഡന്റ് പോലീസ്. ഇതിനായി നടക്കാവ് ഗവ. ഗേള്‍സ് വൊക്കേഷണല്‍ എച്ച്എസ്എസ് കേന്ദ്രീകരിച്ച് സാമൂഹിക അടുക്കള പ്രവര്‍ത്തനം ആരംഭിച്ചു. നിത്യവും അഞ്ഞൂറ് മുതല്‍ അറുനൂറ് വരെ ഉച്ചഭക്ഷണപ്പൊതികളാണ് ഇവിടെ നിന്നും സൗജന്യമായി അര്‍ഹരിലേക്കെത്തുന്നത്.
ചോറ്, പച്ചക്കറി, തോരന്‍, അച്ചാര്‍ തുടങ്ങിയവയാണ് വിഭവങ്ങള്‍. ആശുപത്രികള്‍, റെയില്‍വേ സ്‌റ്റേഷന്‍, ബസ് സ്റ്റാന്‍ഡ് തുടങ്ങിയ സ്ഥലങ്ങളിലെല്ലാം ഭക്ഷണം എത്തിച്ചുനല്‍കുന്നുണ്ട്. അഗതികള്‍ക്കു പുറമേ ഭക്ഷണം കിട്ടാതെ വിഷമിക്കുന്ന ആര്‍ക്കും പൊതികള്‍ നല്‍കും. സിറ്റി പോലീസ് പരിധിയിലെ എസ്പിസി യൂണിറ്റുകള്‍ പ്രവര്‍ത്തിക്കുന്ന സ്‌കൂളുകളുടെ പിടിഎയുടെയും മറ്റും പൂര്‍ണ പിന്തുണയോടെയാണ് പ്രവര്‍ത്തനം. സ്‌കൂളുകളിലെ എസ്പിസി ചുമതലയുള്ള അധ്യാപകര്‍, പോലീസ് ഉദ്യോഗസ്ഥര്‍, കേഡറ്റുകള്‍ തുടങ്ങിയവര്‍ നേരിട്ടാണ് പ്രവര്‍ത്തനങ്ങള്‍ക്കു ചുക്കാന്‍ പിടിക്കുന്നത്.
പോലീസ് വാഹനത്തിലാണ് ഭക്ഷണം അതതു കേന്ദ്രങ്ങളിലെത്തിക്കുന്നത്. എസ്പിസിയുടെ സ്ഥാപകനായ ഐജി പി. വിജയന്‍ രൂപീകരിച്ച നന്മ ഫൗണ്ടേഷനുമായി കൈകോര്‍ത്താണ് നടക്കാവിലെ സാമൂഹിക അടുക്കള പ്രവര്‍ത്തിക്കുന്നത്. കേരള പോലീസിന്റെയും സന്നദ്ധ സംഘടനകളുടെയുമൊക്കെ എല്ലാ പിന്തുണയും പ്രവര്‍ത്തനങ്ങള്‍ക്കുണ്ട്. ഉച്ചഭക്ഷണം ആവശ്യമുള്ളവര്‍ക്ക് 7907546108, 9400891707 എന്നീ നമ്പറുകളില്‍ ബന്ധപ്പെടാമെന്ന് സംഘാടകര്‍ അറിയിച്ചു. കഴിഞ്ഞ ലോക്ക്ഡൗണ്‍ കാലത്തും എസ്പിസിയുടെ സാമൂഹിക അടുക്കള നിരവധി പേര്‍ക്ക് ആശ്വാസം പകര്‍ന്നിരുന്നു.
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
ചോറ്, പച്ചക്കറി, തോരന്‍, അച്ചാര്‍ തുടങ്ങിയവയാണ് വിഭവങ്ങള്‍. ആശുപത്രികള്‍, റെയില്‍വേ സ്‌റ്റേഷന്‍, ബസ് സ്റ്റാന്‍ഡ് തുടങ്ങിയ സ്ഥലങ്ങളിലെല്ലാം ഭക്ഷണം എത്തിച്ചുനല്‍കുന്നുണ്ട്. അഗതികള്‍ക്കു പുറമേ ഭക്ഷണം കിട്ടാതെ വിഷമിക്കുന്ന ആര്‍ക്കും പൊതികള്‍ നല്‍കും. സിറ്റി പോലീസ് പരിധിയിലെ എസ്പിസി യൂണിറ്റുകള്‍ പ്രവര്‍ത്തിക്കുന്ന സ്‌കൂളുകളുടെ പിടിഎയുടെയും മറ്റും പൂര്‍ണ പിന്തുണയോടെയാണ് പ്രവര്‍ത്തനം. സ്‌കൂളുകളിലെ എസ്പിസി ചുമതലയുള്ള അധ്യാപകര്‍, പോലീസ് ഉദ്യോഗസ്ഥര്‍, കേഡറ്റുകള്‍ തുടങ്ങിയവര്‍ നേരിട്ടാണ് പ്രവര്‍ത്തനങ്ങള്‍ക്കു ചുക്കാന്‍ പിടിക്കുന്നത്.
പോലീസ് വാഹനത്തിലാണ് ഭക്ഷണം അതതു കേന്ദ്രങ്ങളിലെത്തിക്കുന്നത്. എസ്പിസിയുടെ സ്ഥാപകനായ ഐജി പി. വിജയന്‍ രൂപീകരിച്ച നന്മ ഫൗണ്ടേഷനുമായി കൈകോര്‍ത്താണ് നടക്കാവിലെ സാമൂഹിക അടുക്കള പ്രവര്‍ത്തിക്കുന്നത്. കേരള പോലീസിന്റെയും സന്നദ്ധ സംഘടനകളുടെയുമൊക്കെ എല്ലാ പിന്തുണയും പ്രവര്‍ത്തനങ്ങള്‍ക്കുണ്ട്. ഉച്ചഭക്ഷണം ആവശ്യമുള്ളവര്‍ക്ക് 7907546108, 9400891707 എന്നീ നമ്പറുകളില്‍ ബന്ധപ്പെടാമെന്ന് സംഘാടകര്‍ അറിയിച്ചു. കഴിഞ്ഞ ലോക്ക്ഡൗണ്‍ കാലത്തും എസ്പിസിയുടെ സാമൂഹിക അടുക്കള നിരവധി പേര്‍ക്ക് ആശ്വാസം പകര്‍ന്നിരുന്നു.
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ