കോഴിക്കോട്: ഇന്ന് കോഴിക്കോട്ടെ ഭൂരിഭാഗം വെഡ്ഡിംഗ് ഫോട്ടോകളിലും തിളങ്ങുന്ന സ്ഥലമാണ് ഗുജറാത്തി സ്ട്രീറ്റ്. മനോഹരമായ പെയിന്റിംഗുകള്‍ കൊണ്ടും ആര്‍ട്ട് വര്‍ക്കുകള്‍ കൊണ്ടും ചെറിയൊരു ഫിലിം സിറ്റിയായി മാറിയിരിക്കുകയാണ് ഇവിടം. പഴക്കമുള്ള കെട്ടിടങ്ങളാണ് ഇവിടുത്തെ പ്രധാന ആകര്‍ഷണങ്ങളിലൊന്ന്. ഏത് ആംഗിളില്‍ നിന്ന് ഫോട്ടോ എടുത്താലും സംഗതി കളറാകും.
മോഡലുകളുടെയും വെഡ്ഡിംഗ് ഫോട്ടോഗ്രാഫേഴ്‌സിന്റെയും പ്രിയപ്പെട്ട ഇടമായ ഇവിടുത്തെ പ്രധാന ആകര്‍ഷണം ഗുദാം ആര്‍ട് കഫേയാണ്. പഴയമയേയും പുതുമയേയും ഒരുപോലെ നിലനിര്‍ത്തുന്ന ഒരിടം.
കോഴിക്കോട് ബടേക്കണ്ടി ബഷീറും കുടുംബവുമാണ് ഈ സ്ഥാപനത്തിന് പിന്നിലെ ശക്തികള്‍. ബഷീറിന്റെ ഭാര്യാപിതാവിന്റെ അരി ഗോഡൗണായിരുന്നു ഒരിക്കല്‍ ഇവിടം. ഏകദേശം 160ഓളം വര്‍ഷം പഴക്കം കാണും. പ്രവാസത്തിന് ശേഷം നാട്ടില്‍ മടങ്ങിയെത്തിയ ബഷീര്‍ 2015 മുതല്‍ 3 വര്‍ഷത്തോളം എടുത്താണ് കോഴിക്കോട്ടെ മറ്റൊരു ആകര്‍ഷണകേന്ദ്രമായ ഈ ആര്‍ട് കഫേ പണികഴിപ്പിച്ചത്. പുതിയ തലമുറയ്ക്ക് പഴമയുടെ സൗന്ദര്യത്തെ കൂടുതല്‍ അടുത്തറിയാന്‍ അവസരം ഒരുക്കുകയാണ് തന്റെ ലക്ഷ്യമെന്ന് ബഷീര്‍ പറയുന്നു.
ഗുദാമിന്റെ പണി തുടങ്ങുന്നതിന് മുമ്പ് തന്റെ ആന്റിക് സാധനങ്ങളുടെ കളക്ഷന്‍ പാഷന്‍ ആയ ബഷീര്‍ താന്‍ സഞ്ചരിച്ച 30ല്‍ അധികം രാജ്യങ്ങളില്‍ നിന്ന് ശേഖരിച്ച സാധനങ്ങള്‍ ഇവിടേയ്ക്കായി കരുതി വെച്ചിരുന്നു. ഗ്രാമഫോണ്‍, റോഡിയോകള്‍ എന്നുവേണ്ട പുതിയ തലമുറയ്ക്ക് കേട്ടുകേള്‍വി പോലുമില്ലാത്ത പല സാധനങ്ങളും ഇവിടെയുണ്ട്. രാത്രി 10 മണിവരെ കഫേ പ്രവര്‍ത്തിക്കുന്നുണ്ടെങ്കിലും രാത്രി 8 മണിവരെയാണ് ലൈബ്രറിയും അനുബന്ധ സേവനങ്ങളും പ്രവര്‍ത്തിക്കുന്നത്. ആര്‍ക്കും മതിയാവോളം ഇവിടെയിരിക്കാം കൂട്ടിനായി സംഗീതവും ഉണ്ടാകും. സമൂഹമാധ്യമങ്ങളിലൂടെ അറിഞ്ഞ് നിരവധി പേരാണ് ഇവിടെ എത്തുന്നത്. വരുന്നവര്‍ക്കെല്ലാം കണ്‍നിറയെ കൗതുക കാഴ്ചകളാണ് ഗുദാം ഒരുക്കുന്നത്.
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
മോഡലുകളുടെയും വെഡ്ഡിംഗ് ഫോട്ടോഗ്രാഫേഴ്‌സിന്റെയും പ്രിയപ്പെട്ട ഇടമായ ഇവിടുത്തെ പ്രധാന ആകര്‍ഷണം ഗുദാം ആര്‍ട് കഫേയാണ്. പഴയമയേയും പുതുമയേയും ഒരുപോലെ നിലനിര്‍ത്തുന്ന ഒരിടം.
കോഴിക്കോട് ബടേക്കണ്ടി ബഷീറും കുടുംബവുമാണ് ഈ സ്ഥാപനത്തിന് പിന്നിലെ ശക്തികള്‍. ബഷീറിന്റെ ഭാര്യാപിതാവിന്റെ അരി ഗോഡൗണായിരുന്നു ഒരിക്കല്‍ ഇവിടം. ഏകദേശം 160ഓളം വര്‍ഷം പഴക്കം കാണും. പ്രവാസത്തിന് ശേഷം നാട്ടില്‍ മടങ്ങിയെത്തിയ ബഷീര്‍ 2015 മുതല്‍ 3 വര്‍ഷത്തോളം എടുത്താണ് കോഴിക്കോട്ടെ മറ്റൊരു ആകര്‍ഷണകേന്ദ്രമായ ഈ ആര്‍ട് കഫേ പണികഴിപ്പിച്ചത്. പുതിയ തലമുറയ്ക്ക് പഴമയുടെ സൗന്ദര്യത്തെ കൂടുതല്‍ അടുത്തറിയാന്‍ അവസരം ഒരുക്കുകയാണ് തന്റെ ലക്ഷ്യമെന്ന് ബഷീര്‍ പറയുന്നു.
ഗുദാമിന്റെ പണി തുടങ്ങുന്നതിന് മുമ്പ് തന്റെ ആന്റിക് സാധനങ്ങളുടെ കളക്ഷന്‍ പാഷന്‍ ആയ ബഷീര്‍ താന്‍ സഞ്ചരിച്ച 30ല്‍ അധികം രാജ്യങ്ങളില്‍ നിന്ന് ശേഖരിച്ച സാധനങ്ങള്‍ ഇവിടേയ്ക്കായി കരുതി വെച്ചിരുന്നു. ഗ്രാമഫോണ്‍, റോഡിയോകള്‍ എന്നുവേണ്ട പുതിയ തലമുറയ്ക്ക് കേട്ടുകേള്‍വി പോലുമില്ലാത്ത പല സാധനങ്ങളും ഇവിടെയുണ്ട്. രാത്രി 10 മണിവരെ കഫേ പ്രവര്‍ത്തിക്കുന്നുണ്ടെങ്കിലും രാത്രി 8 മണിവരെയാണ് ലൈബ്രറിയും അനുബന്ധ സേവനങ്ങളും പ്രവര്‍ത്തിക്കുന്നത്. ആര്‍ക്കും മതിയാവോളം ഇവിടെയിരിക്കാം കൂട്ടിനായി സംഗീതവും ഉണ്ടാകും. സമൂഹമാധ്യമങ്ങളിലൂടെ അറിഞ്ഞ് നിരവധി പേരാണ് ഇവിടെ എത്തുന്നത്. വരുന്നവര്‍ക്കെല്ലാം കണ്‍നിറയെ കൗതുക കാഴ്ചകളാണ് ഗുദാം ഒരുക്കുന്നത്.
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ