പഴയ സാധനങ്ങൾ കൊണ്ട് കോഴിക്കോട് ബീച്ചിൽ മനോഹരമായ പാർക്ക്, വീഡിയോ
കോഴിക്കോട് ബീച്ചില് പാഴ്വസ്തുക്കള്ക്കൊണ്ട് മനോഹരമായ പാര്ക്ക് നിര്മിച്ചിരിക്കുകയാണ് കോഴിക്കോട് സ്വദേശി മിഥുന്. ബീച്ചില് എത്തുന്നവര്ക്ക് ഇത്തിരി നേരം ഇരുന്ന് വിശ്രമിക്കാന് മനോഹരമായ പാര്ക്കാണ് മിഥുന് ഒരുക്കിയിരിക്കുന്നത്. പാര്ക്കില് പ്രവേശനം സൗജന്യമാണെങ്കിലും വൃത്തിയായി സൂക്ഷിക്കണമെന്നാണ് മിഥുന്റെ പക്ഷം. കോര്പ്പറേഷന്റെ പിന്തുണ കൂടിയുണ്ടെങ്കില് കോഴിക്കോട് ബീച്ച് മുഴുവന് മനോഹരമാക്കുമെന്നാണ് മിഥുന് പറയുന്നത്.
Lipi 26 Feb 2022, 4:52 pm
ഹൈലൈറ്റ്:
- കോഴിക്കോട് ബീച്ചില് മനോഹരമായ പാര്ക്ക്
- പാഴ് വസ്തുക്കള് കൊണ്ട് പാര്ക്ക് നിര്മിച്ച് മിഥുന്
- ബാലുശേരി സ്വദേശിയാണ് മിഥുന്
കോഴിക്കോട്(Kozhikode): കടല്ക്കാറ്റേറ്റ് കാഴ്ചകള് കണ്ട് ബീച്ചിലൂടെ നടക്കാന് ഇഷ്ടമില്ലാത്തവരായി ആരുമുണ്ടാകില്ല. നട്ടുച്ചനേരത്ത് പോലും സജീവമാണ് കോഴിക്കോട് ബീച്ച്. എന്നാല് സന്ധ്യമയങ്ങുന്നതിന് മുമ്പ് ഇവിടെയെത്തുന്നവര് കനത്ത വെയിലേറ്റ് ചുട്ടുപൊള്ളും. അല്പ്പസമയം ഇരിക്കാനായി ഒരു തണലില് പോലുമില്ലായിരുന്നു ഇതുവരെ. എന്നാല് ഈ പ്രശ്നത്തിന് ഒരു പരിഹാരവുമായി രംഗത്ത് എത്തിയിരിക്കുകയാണ് ബാലുശേരി സ്വദേശിയും പെയിന്റിംഗ് കലാകാരനുമായ മിഥുന്. പാഴ് വസ്തുക്കള്ക്കൊണ്ട് മനോഹരമായ പാര്ക്ക് ഉണ്ടാക്കിയിരിക്കുകയാണ് മിഥുന്.
മാസങ്ങള്ക്ക് മുമ്പ് സാമൂഹ്യ വിരുദ്ധരുടെ താവളമായിരുന്ന ഇടമാണ് ഇപ്പോള് മനോഹരമായ പാര്ക്കായി മാറിയിരിക്കുന്നത്. കോഴിക്കോട് വലിയൊരു സുഹൃദ് വലയം തന്നെയുണ്ട് മിഥുന്. പാര്ക്കുണ്ടാക്കിയ ശേഷം പാര്ക്കിന് കാവലാളായി ഇവിടെ തന്നെയാണ് താമസവും. കൂട്ടിന് ഒരുകൂട്ടം നായ്ക്കളുമുണ്ട് ഇതിനിടയില് മിഥുന്റെ വിലകൂടിയ ഫോണ് പാര്ക്കിലെത്തിയ ആരോ കൈവശപ്പെടുത്തി. സീറോ ബജറ്റില് തയ്യാറാക്കിയ ഈ പാര്ക്ക് പോലെ കോഴിക്കോട് ബീച്ച് മുഴുവന് മനോഹരമാക്കാന് തയ്യാറാണെന്നാണ് മിഥുന് പറയുന്നത്. ഇതിനായി കോര്പ്പറേഷന്റെ സഹായവും വേണമെന്നാണ് മിഥുന് പറയുന്നത്.
Topic: Kozhikode, kozhikode beach, Kozhikode scrap park