നാദാപുരം: മാഹിയിൽ നിന്ന് കോഴിക്കോട് ഭാഗത്തേക്ക് വിൽപ്പനക്കായി കടത്തുകയായിരുന്ന വിദേശ മദ്യ ശേഖരവുമായി സ്കൂട്ടർ യാത്രികൻ അറസ്റ്റിൽ. മാവൂർ സ്വദേശി കണക്കന്മാർ കണ്ടി വീട്ടിൽ ബിനീത് (35) നെയാണ് വടകര എക്സൈസ് സർക്കിൾ പ്രിവന്റീവ് ഓഫീസർ തറോൽ രാമചന്ദ്രനും സംഘവും അറസ്റ്റ് ചെയ്തത്. പ്രതിയിൽ നിന്ന് 500 എംഎൽന്റെ 60 കുപ്പി മദ്യം അധികൃതർ പിടികൂടി. മദ്യം കടത്താനുപയോഗിച്ച സ്കൂട്ടറും അധികൃതർ കസ്റ്റഡിയിലെടുത്തു.
മാഹിയിൽ നിന്ന് വില കുറഞ്ഞ മദ്യം ശേഖരിച്ച് മാവൂർ മേഖലയിൽ വിവിധ സ്ഥലങ്ങളിൽ വിൽപ്പനക്കായി കടത്തുകയായിരുന്നു. വടകര കോടതിയിൽ ഹാജരാക്കിയ പ്രതിയെ രണ്ടാഴ്ച്ചത്തേക്ക് റിമാന്റ് ചെയ്തു. എക്സൈസ് കമ്മീഷണറുടെ നിർദ്ദേശ പ്രകാരം മാഹിയിൽ നിന്നുള്ള മദ്യക്കടത്ത് തടയുന്നതിനായി രാത്രികാലങ്ങളിൽ ഉൾപ്പെടെ പരിശോധനകൾ കർശനമാക്കിയിട്ടുണ്ട്.
Read Latest Local News and Malayalam News
കോഴിക്കോട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം