വടകര: കൊയിലാണ്ടിയിൽ വെള്ളം ആവശ്യപ്പെട്ട് വീട്ടിലെത്തിയ യുവാവ് വയോധികയുടെ സ്വർണ്ണ മാല കവർന്നു. പ്രതി പിടിയിലായി. ഉള്ളൂർ പാറത്തോൻ കണ്ടി വീട്ടിൽ സായൂജ് (22)നെയാണ് കൊയിലാണ്ടി പോലീസ് അറസ്റ്റ് ചെയ്തത്. ഇയാൾ നേരത്തെ കൊയി0ലാണ്ടി കസ്റ്റംസ് റോഡിലായിരുന്നു താമസം. വെള്ളം ചോദിച്ച് വീട്ടിലെത്തിയ യുവാവ് വയോധികയുടെ കഴുത്തിലെ സ്വർണ്ണമാല പൊട്ടിച്ച് കടന്നു കളയുകയായിരുന്നു. മൊയ്തീംപള്ളിക്ക് സമീപം സികെ ഹൗസിൽ നഫീസയുടെ രണ്ട് പവന്റെ സ്വർണ്ണ മാലയാണ് കവർന്നത്. കഴിഞ്ഞ ദിവസം വെെകീട്ടായിരുന്നു സംഭവം.
വീട്ടിൽ ആരുമില്ലാത്ത സമയത്താണ് യുവാവ് എത്തിയത്. കുടിക്കാൻ വെള്ളം ആവശ്യപ്പെട്ടപ്പോൾ അടുക്കളയിലേക്ക് പോയതായിരുന്നു നഫീസ. ഈ സമയം അടുക്കളയിലെത്തി യുവാവ് കഴുത്തിൽ അണിഞ്ഞിരുന്ന മാല പൊട്ടിച്ച് ഓടുകയായിരുന്നു. നഫീസയുടെ നിലവിളി കേട്ട് ഓടിയെത്തിയ സമീപവാസികളാണ് ആദ്യം മോഷണ വിവരം അറിയുന്നു. സംഭവത്തെ തുടർന്ന് കൊയിലാണ്ടി പോലീസ് സ്റ്റേഷനിൽ പരാതി നൽകി.
മാല പൊട്ടിച്ച് ഓടുന്ന യുവാവിന്റെ സിസിടിവി ദൃശ്യങ്ങൾ പോലീസ് അന്വേഷണത്തിൽ കണ്ടെത്തിയിരുന്നു കൊയിലാണ്ടി സിഐഎൻ സുനിൽകുമാർ, എസ്ഐ.മാരായ എംഎൻ അനൂപ്, ഫിറോസ്, സിപിഒമാരായ അനുപ്, രാഗി, തുടങ്ങിയവരുടെ നേതൃത്വത്തിൽ നടത്തിയ അന്വേഷണത്തിലാണ് പ്രതിയെ പിടികൂടിയത്. പ്രതി നേരത്തെ കൊയിലാണ്ടിയിലായിരുന്നു താമസിച്ചിരുന്നത്. പ്രതിയെ കോടതിയിൽ ഹാജരാക്കും.
Read Latest Local News and Malayalam News
കോഴിക്കോട് ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
കോഴിക്കോട് ബീച്ചിൽ കലോത്സവ ശിൽപമൊരുങ്ങി
അറുപത്തിയൊന്നാമത് സ്കൂൾ കലോത്സവത്തിന്റെ ഭാഗമായി കോഴിക്കോട് ബീച്ചിലൊരുക്കിയ കലോത്സവ ശിൽപം ടൂറിസം പൊതുമരാമത്ത് വകുപ്പ് മന്ത്രി പി.എ മുഹമ്മദ് റിയാസ് അനാച്ഛാദനം ചെയ്തു. ബീച്ചിലെ കൾച്ചറൽ സ്റ്റേജിന് മുൻവശത്തായാണ് 'റൈറ്റിംഗ് ഗേൾ' ശിൽപം നിർമ്മിച്ചിരിക്കുന്നത്. പ്രമുഖ ശില്പി ഗുരുകുലം ബാബുവാണ് ശില്പം നിർമ്മിച്ചത്. കെഎം സച്ചിൻ ദേവ് എംഎൽഎ, മുൻ എംഎൽഎ എ പ്രദീപ്കുമാർ, പബ്ലിസിറ്റി കൺവീനർ പിഎം മുഹമ്മദലി, ജോയിന്റ് കൺവീനർ പി കെ എം ഹിബത്തുള്ള, പബ്ലിസിറ്റി കമ്മിറ്റി അംഗങ്ങളായ എൻ പി അസീസ്, കെ കെ സുബൈർ, കെ സൈനുദ്ദീൻ, കെ രാഗേഷ്, വി സി സാബിക് തുടങ്ങിയവർ സംബന്ധിച്ചു.