പഠന യാത്രക്കിടെ അധ്യാപകന്‍റെ പീഡനം; സ്കൂളില്‍ പരാതിപ്പെട്ടിട്ടും പ്രയോജനമുണ്ടായില്ല, പ്രതിഷേധത്തിനൊടുവില്‍ അറസ്റ്റ്, സഹ അധ്യാപകൻ ഒളിവിൽ

കോഴിക്കോട്: വിദ്യാര്‍ത്ഥിനിയെ പീഡിപ്പിച്ച കേസില്‍ കോഴിക്കോട് ബാലുശ്ശേരിയില്‍ അധ്യാപകന്‍ അറസ്റ്റില്‍. പഠന യാത്രയ്ക്കിടെയാണ് വിദ്യാര്‍ത്ഥിനിക്ക് അധ്യാപകരുടെ പീഠനം ഏല്‍ക്കേണ്ടി വന്നത്. ആറ്റിങ്ങല്‍ സ്വദേശി സിയാദിനെയാണ് ബാലുശ്ശേരി പോലീസ് പോക്‌സോ കേസില്‍ അറസ്റ്റ് ചെയ്തത്. കേസില്‍ പ്രതിയായ സഹ അധ്യാപകന്‍ ബാലുശ്ശേരി സ്വദേശി പ്രബീഷ് ഒളിവിലാണ്.

Also Read: പോലീസുകാര്‍ക്കെന്താ നിയമം ബാധകമല്ലെ? സിഐ മദ്യപിച്ച് വാഹനമോടിച്ച് ബൈക്ക് യാത്രക്കാരെ തട്ടിത്തെറിപ്പിച്ചു, ടൗണിലെത്തിയത് ആടിക്കുഴഞ്ഞ് മാസ്ക് പോലുമില്ലാതെ, സംഭവം വയനാട്ടില്‍

കഴിഞ്ഞ ഫെബ്രുവരിയിലാണ് കേസിനാസ്പദമായ സംഭവം നടന്നത്. ഊട്ടിയിലേക്ക് സ്കൂളില്‍ നിന്ന് പോയ ടൂറിനിടയിലായിരുന്നു സംഭവം. കുട്ടി വീട്ടിലെത്തിയ ഉടനെ രക്ഷിതാക്കളെ വിവരം അറിയിക്കുകയായിരുന്നു. തുടര്‍ന്ന് രക്ഷിതാക്കള്‍ പ്രിന്‍സിപ്പാളിന് പരാതി നല്‍കി. എന്നാല്‍ പരാതി പോലീസിന് കൈമാറാതെ പ്രിന്‍സിപ്പല്‍ ഹയര്‍സെക്കന്‍ഡറി ഡയറക്റ്റര്‍ക്ക് റിപ്പോര്‍ട്ട് ചെയ്‌തെങ്കിലും നടപടി വൈകുകയായിരുന്നു.

Also Read: തൊടുപുഴയില്‍ 7 വയസുകാരനെ ഭിത്തിയിൽ തലയടിച്ചുകൊന്ന കേസ്; കുട്ടിയുടെ പിതാവിന് അഞ്ജന പാൽ നൽകിയെന്ന് ഇളയ മകൻ, നിര്‍ണ്ണായക വഴിത്തിരിവ്!

ഇതിനെ തുടര്‍ന്ന് പെണ്‍കുട്ടികളുടെ ബന്ധുക്കള്‍ സ്‌കുളിലെത്തി അധ്യാപകരുമായി വാക്കേറ്റം നടക്കുകയും ചെയ്തിരുന്നു. സ്കൂള്‍ അധികൃതരില്‍ നിന്ന് നീതി ലഭിക്കാത്തതിനെ തുടര്‍ന്ന് രക്ഷിതാക്കള്‍ നേരിട്ട് പോലീസില്‍ പരാതി നല്‍കുകയായിരുന്നു. തുടര്‍ന്ന് ബാലുശ്ശേരി എസ്ഐ പ്രജീഷ്, അഡീഷണല്‍ എസ്ഐ മധു എന്നിവരുടെ നേതൃത്വത്തില്‍ അധ്യാപകനെ അറസ്റ്റ് ചെയ്യുകയായിരുന്നു. സഹ അധ്യാപകന്‍ പ്രബീഷും സംഭവത്തില്‍ കൂട്ടാളിയാണെന്ന് പോലീസ് പറയുന്നു.

കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
കോഴിക്കോട് ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ