കോഴിക്കോട് എസ്ബിഐ ശാഖയിൽ കവർച്ചാ ശ്രമം, ഇരുമ്പ് ഗ്രിൽ തകർത്തു

കക്കട്ട് (Kozhikode): കോഴിക്കോട് കുറ്റ്യാടി പോലീസ് സ്റ്റേഷൻ പരിധിയിലെ കക്കട്ടിൽ എസ്ബിഐ ബാങ്കിന്റെ ശാഖയിൽ മോഷണ ശ്രമം(SBI Branch Theft). കക്കട്ട് മത്സ്യ മാർക്കറ്റ് പരിസരത്തെ സ്വകാര്യ കെട്ടിടത്തിൻ്റെ രണ്ടാം നിലയിൽ പ്രവർത്തിക്കുന്ന ബാങ്കിലാണ് മോഷണ ശ്രമം. കെട്ടിടത്തിന്റെ പിൻഭാഗത്തെ ശുചിമുറിയുടെ വെൻ്റിലേറ്റർ പൊളിച്ചാണ് മോഷ്ടാവ് അകത്തുകടന്നത്. പേരയ്ക്ക പറിക്കാൻ വീട്ടിലെത്തിയ പെൺകുട്ടിയെ പീഡിപ്പിച്ചു, 51-കാരന് ആറുവര്‍ഷം കഠിന തടവ്
ശുചിമുറിയിലെ ഇരുമ്പ് ഗ്രിൽ മുറിച്ചുമാറ്റിയാണ് മോഷ്ടാവ് ബാങ്കിലേക്ക് കടന്നത്. ബുധനാഴ്ച രാത്രിയിലാണ് സംഭവം എന്നാണ് കരുതുന്നത്. വ്യാഴാഴ്ച രാവിലെ 11 മണിയോടെയാണ് മോഷണ ശ്രമം ബാങ്ക് ജീവനക്കാരുടെ ശ്രദ്ധയിൽ പെടുന്നത്. തുടർന്ന് കുറ്റിയാടി പോലീസിൽ വിവരം അറിയിക്കുകയായിരുന്നു. പോലീസ് സ്ഥലത്തെത്തി പരിശോധന നടത്തി.

സ്വകാര്യ ബസിന്‍റെ മത്സരിച്ചോട്ടം, മറ്റൊരു ബസിനു പിന്നിലിടിച്ച് മുപ്പതോളം പേര്‍ക്ക് പരിക്ക്
ബാങ്കിൽ നിന്ന് ഒന്നും നഷ്ടപ്പെട്ടിട്ടില്ലെന്ന് മാനേജർ പറഞ്ഞു. വിരലടയാള വിദഗ്ദർ സ്ഥലത്തെത്തി പരിശോധന നടത്തി. ബാങ്കിന്റെ പരിസരങ്ങളിലെ സിസിടിവി ക്യാമറകളും പോലീസ് പരിശോധനയ്ക്കായി എടുത്തിട്ടുണ്ട്. കോഴിക്കോട് മാനാഞ്ചിറയിൽ നിന്നുള്ള എസ്ബിഐ സുരക്ഷാ വിഭാഗം ബാങ്കിൽ പരിശോധന നടത്തിയതായും ലോക്കർ റൂമിൽ മോഷ്ടാവ് കടന്നിട്ടില്ലെന്ന് ഉറപ്പ് വരുത്തിയതായും മാനേജർ പറഞ്ഞു. മാനേജറുടെ പരാതിയിൽ കുറ്റ്യാടി പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. ഡോഗ് സ്ക്വാഡും ഫിംഗർ പ്രിന്റ് വിദഗ്ദരും സ്ഥലത്തെത്തി പരിശോധന നടത്തി.

കോഴിക്കോട് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം


Read Latest Local News and Malayalam News