കോഴിക്കോട്: വടകരയ്ക്കടുത്ത് ചെമ്മരത്തൂര്‍ മീങ്കണ്ടിയിലെ വീട്ടുകിണറ്റില്‍ അജ്ഞാതനെ മരിച്ച നിലയില്‍ കണ്ടെത്തി. കടവത്ത് വയല്‍ ആലേപുതിയോട്ടില്‍ ഉദയഭാനുവിന്റെ വീട്ടിലെ കിണറിലാണ് ഇന്നു രാവിലെ മൃതദേഹം കണ്ടെത്തിയത്. ഫയര്‍ഫോഴ്‌സ് സ്ഥലത്തെത്തി പുറത്തെടുത്ത മൃതദേഹം വടകര പോലീസ് ഇന്‍ക്വസ്റ്റ് നടത്തി. തുടര്‍ന്ന് ജില്ലാ ആശുപത്രി മോര്‍ച്ചറിയിലേക്കു മാറ്റി.
എഴുപത് വയസിനടുത്ത് പ്രായം തോന്നിക്കുന്ന പുരുഷന്റേതാണ് മൃതദേഹം. ഇയാള്‍ എങ്ങനെയാണ് ഇവിടെ എത്തിയതെന്നു വ്യക്തമല്ല. ഇതരസംസ്ഥാനക്കാരനാണെന്നു സംശയിക്കുന്നുണ്ട്. മുണ്ടും ഷര്‍ട്ടുമാണ് വേഷം. രാവിലെ വെള്ളമെടുക്കാനെത്തിയ വീട്ടുകാര്‍ കുളിമുറിയുടെ വാതില്‍ തകര്‍ന്നുകിടക്കുന്നതു കണ്ട് കിണറ്റില്‍ നോക്കിയപ്പോഴാണ് ഷര്‍ട്ടിന്റെ ഭാഗം ഉയര്‍ന്നുകിടക്കുന്നതു കണ്ടത്. മൃതദേഹമാണെന്ന് സംശയം തോന്നിയതോടെ പോലീസിനെയും ഫര്‍ഫോഴ്‌സിനെയും അറിയിച്ചു.
തുടര്‍ന്ന് സിഐ ഹരീഷിന്റെ നേതൃത്വത്തില്‍ പോലീസും വടകര ഫയര്‍ഫോഴ്‌സും സ്ഥലത്തെത്തി ജഡം പുറത്തെടുക്കുകയായിരുന്നു. ഷര്‍ട്ട് പരിശോധിച്ച പോലീസിന് പോക്കറ്റില്‍ നിന്ന് കോഴിക്കോട്ടെ ആശുപത്രിയിലെ കുറിപ്പടി ലഭിച്ചിട്ടുണ്ട്. ഇതു സംബന്ധിച്ച് അന്വേഷിക്കുന്നുണ്ടെന്ന് പോലീസ് അറിയിച്ചു. സംഭവത്തില്‍ ദുരൂഹതയില്ലെന്നാണ് പ്രാഥമിക നിഗമനം. വഴിതെറ്റിയോ മറ്റോ വന്നയാള്‍ കിണറ്റില്‍ വീണതാണെന്നു കരുതുന്നു.
എഴുപത് വയസിനടുത്ത് പ്രായം തോന്നിക്കുന്ന പുരുഷന്റേതാണ് മൃതദേഹം. ഇയാള്‍ എങ്ങനെയാണ് ഇവിടെ എത്തിയതെന്നു വ്യക്തമല്ല. ഇതരസംസ്ഥാനക്കാരനാണെന്നു സംശയിക്കുന്നുണ്ട്. മുണ്ടും ഷര്‍ട്ടുമാണ് വേഷം. രാവിലെ വെള്ളമെടുക്കാനെത്തിയ വീട്ടുകാര്‍ കുളിമുറിയുടെ വാതില്‍ തകര്‍ന്നുകിടക്കുന്നതു കണ്ട് കിണറ്റില്‍ നോക്കിയപ്പോഴാണ് ഷര്‍ട്ടിന്റെ ഭാഗം ഉയര്‍ന്നുകിടക്കുന്നതു കണ്ടത്. മൃതദേഹമാണെന്ന് സംശയം തോന്നിയതോടെ പോലീസിനെയും ഫര്‍ഫോഴ്‌സിനെയും അറിയിച്ചു.
തുടര്‍ന്ന് സിഐ ഹരീഷിന്റെ നേതൃത്വത്തില്‍ പോലീസും വടകര ഫയര്‍ഫോഴ്‌സും സ്ഥലത്തെത്തി ജഡം പുറത്തെടുക്കുകയായിരുന്നു. ഷര്‍ട്ട് പരിശോധിച്ച പോലീസിന് പോക്കറ്റില്‍ നിന്ന് കോഴിക്കോട്ടെ ആശുപത്രിയിലെ കുറിപ്പടി ലഭിച്ചിട്ടുണ്ട്. ഇതു സംബന്ധിച്ച് അന്വേഷിക്കുന്നുണ്ടെന്ന് പോലീസ് അറിയിച്ചു. സംഭവത്തില്‍ ദുരൂഹതയില്ലെന്നാണ് പ്രാഥമിക നിഗമനം. വഴിതെറ്റിയോ മറ്റോ വന്നയാള്‍ കിണറ്റില്‍ വീണതാണെന്നു കരുതുന്നു.