വാണിമേലിൽ കൊലക്കേസ് പ്രതിയെ തൂങ്ങി മരിച്ച നിലയിൽ കണ്ടെത്തി

നാദാപുരം: വാണിമേലിൽ കൊലക്കേസ് പ്രതിയെ തൂങ്ങി മരിച്ച നിലയിൽ കണ്ടെത്തി. ഭൂമി വാതുക്കൽ സ്വദേശി കക്കൂട്ടത്തിൽ റഷീദ് (47 ) നെയാണ് തൂങ്ങി മരിച്ച നിലയിൽ കണ്ടെത്തിയത്. ഭൂമിവാതുക്കൽ എംഎൽപി സ്കൂൾ ഗ്രൗണ്ടിലെ മരത്തിൽ തൂങ്ങിയ നിലയിലാണ് മൃതദേഹം കണ്ടെത്തിയത്. ഇന്ന് രാവിലെയാണ് പ്രദേശവാസികൾ റഷീദിനെ തൂങ്ങിയ നിലയിൽ കണ്ടെത്തിയത്.Also Read: ഫോര്‍ട്ട് കൊച്ചിയിലും വൈപ്പിന്‍ തീരത്തും 'ചാകര' ചാളയെ ചാക്കിലാക്കാനുളള തിരക്കിൽ ജനങ്ങളും

താമസിക്കുന്ന വീട്ടിൽ നിന്ന് പുലർച്ചെയോടെ ഇറങ്ങിയതാണെന്ന് പോലീസ് അന്വേഷണത്തിൽ സ്ഥിരീകരിച്ചു. 2018 ൽ ഭൂമിവാതുക്കൽ സ്വദേശി താഴെകണ്ടി സിറാജിനെ കുത്തി കൊലപ്പെടുത്തിയ കേസിലെ പ്രതിയാണ്. കഞ്ചാവ്, അടി പിടി, ഡ്യൂട്ടിയിലുണ്ടായിരുന്ന പോലീസുകാരെ അക്രമിച്ചത് ഉൾപ്പെടെയുള്ള കേസുകളിൽ പ്രതിയായിരുന്നു കൊല്ലപ്പെട്ട സിറാജ്.

കോഴിക്കോട് ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

കേസിൽ റിമാന്‍റിലായി ജയിലിൽ ആയി ജാമ്യത്തിലിറങ്ങി ഭൂമിവാതുക്കൽ ടൗണിൽ
തട്ടുകട നടത്തുകയായിരുന്നു റഷീദ്. വളയം പോലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി മൃതദേഹം വടകര ഗവ. ആശുപത്രിയിൽ പോസ്റ്റ്മോർട്ടത്തിന് അയച്ചു.

Also Read: ഇനി ഒരു പെൺകുട്ടിക്കും സഹോദരിയുടെ സ്ഥിതി ഉണ്ടാകരുത്; സൈബർ ബുള്ളിയിങ്ങിലൂടെയുളള കൊലപാതകം; ആതിരയുടെ മരണത്തിൽ ആശിഷ് ദാസ് ഐഎഎസ്

Read Latest Local News and Malayalam News