മലപ്പുറത്ത് 10 വയസുകാരിയെ പീഡിപ്പിച്ച് 68കാരന്; 10 വര്‍ഷം കഠിന തടവും പിഴയും
മലപ്പുറത്ത് 10 വയസുകാരിയെ ലൈംഗികമായി പീഡിപ്പിച്ച സംഭവത്തിൽ 68കാരന് മഞ്ചേരി സ്പെഷ്യൽ കോടതി ശിക്ഷ വിധിച്ചു. 10 വർഷം കഠിന തടവും 1,20,000 രൂപ പിഴയുമാണ് ശിക്ഷ വിധിച്ചത്. 2015 മാർച്ചിലും ഏപ്രിലുമാണ് കേസിന് ആസ്പദമായ സംഭവം നടക്കുന്നത്. പത്തുവയസുകാരിയെ പ്രതി ഇയാളുടെ വീടിന്റെ കിടപ്പ് മുറിയിൽ എത്തിച്ച് ലൈംഗികമായി പീഡിപ്പിക്കുകയായിരുന്നു. 2015 മെയ് ആറിനാണ് പ്രതിയെ അറസ്റ്റ് ചെയ്യുന്നത്. വിവിധ വകുപ്പുകൾ പ്രകാരമായിരുന്നു ഇയാളെ അറസ്റ്റ് ചെയ്തത്.
Lipi 21 May 2022, 4:25 pm
ഹൈലൈറ്റ്:
- മലപ്പുറത്ത് 10 വയസുകാരിയെ ലൈംഗികമായി പീഡിപ്പിച്ചു
- 68കാരന് ശിക്ഷ വിധിച്ച് മഞ്ചേരി പോക്സോ കോടതി
- 10 വർഷം കഠിന തടവും 120,000 രൂപ പിഴയും
മലപ്പുറം( Malappuram): മലപ്പുറത്ത് പത്തുവയസ്സുകാരിയെ പലതവണ ലൈംഗികമായി പീഡിപ്പിച്ച 68കാരനെ മഞ്ചേരി പോക്സോ സ്പെഷ്യൽ കോടതി പത്തു വർഷം കഠിന തടവിനും 1,20,000 രൂപ പിഴയടക്കാനും ശിക്ഷിച്ചു. കാളികാവ് മമ്പാട്ടുമൂല വെണ്ണീറംപൊയിൽ നീലങ്ങാടൻ മുഹമ്മദ് (68)നെയാണ് ജഡ്ജി എസ് നസീറ ശിക്ഷിച്ചത്. 2015 മാർച്ച്, ഏപ്രിൽ മാസങ്ങളിലാണ് കേസിന്നാസ്പദമായ സംഭവം. ബാലികയെ പ്രതിയുടെ വീടിന്റെ കിടപ്പുമുറിയിൽ കൊണ്ടുപോയി ലൈംഗിക പീഡനത്തിന് വിധേയയാക്കിയെന്നാണ് കേസ്.
പരാതിയെ തുടർന്ന് 2015 മെയ് ആറിന് കാളികാവ് പൊലീസാണ് പ്രതിയെ അറസ്റ്റ് ചെയ്തത്. പൊലീസ് ഇൻസ്പെക്ടർ കെ സി ബാബു അന്വേഷണം നടത്തി കുറ്റപത്രം സമർപ്പിച്ചു. പ്രോസിക്യൂഷനുവേണ്ടി അഡീഷണൽ പബ്ലിക് പ്രോസിക്യൂട്ടർ ഐഷ പി ജമാൽ ഹാജരായി. എഎസ്ഐ ശാരദ രാജൻ കൊളക്കാടൻ ആയിരുന്നു പ്രോസിക്യൂഷൻ അസിസ്റ്റ് ലെയ്സൻ ഓഫീസർ.
ഇന്ത്യൻ ശിക്ഷാനിയമം 376 പ്രകാരം ബലാൽസംഗം ചെയ്തതിന് ഏഴു വർഷം കഠിന തടവ്, 50000 രൂപ പിഴ, പിഴയടക്കാത്ത പക്ഷം മൂന്നു മാസത്തെ അധിക തടവ്, പോക്സോ ആക്ടിലെ ആറാം വകുപ്പ് പ്രകാരം പത്തു വർഷം കഠിന തടവ്, 50000 രൂപ പിഴ, പിഴയടക്കാത്ത പക്ഷം മൂന്നു മാസത്തെ അധിക തടവ്, ഇതേ ആക്ടിലെ പത്താം വകുപ്പ് പ്രകാരം അഞ്ചു വർഷം കഠിന തടവ്, 20000 രൂപ പിഴ പിഴയടക്കാത്ത പക്ഷം രണ്ടു മാസത്തെ അധിക തടവ് എന്നിങ്ങനെയാണ് ശിക്ഷ. ശിക്ഷ ഒരുമിച്ചനുഭവിച്ചാൽ മതി. റിമാന്റ് കാലാവധി ശിക്ഷയായി പരിഗണിക്കാനും കോടതി ഉത്തരവിട്ടു.
Topic: Malappuram News, Malappuram Pocso case, Manjeri pocso court
പരാതിയെ തുടർന്ന് 2015 മെയ് ആറിന് കാളികാവ് പൊലീസാണ് പ്രതിയെ അറസ്റ്റ് ചെയ്തത്. പൊലീസ് ഇൻസ്പെക്ടർ കെ സി ബാബു അന്വേഷണം നടത്തി കുറ്റപത്രം സമർപ്പിച്ചു. പ്രോസിക്യൂഷനുവേണ്ടി അഡീഷണൽ പബ്ലിക് പ്രോസിക്യൂട്ടർ ഐഷ പി ജമാൽ ഹാജരായി. എഎസ്ഐ ശാരദ രാജൻ കൊളക്കാടൻ ആയിരുന്നു പ്രോസിക്യൂഷൻ അസിസ്റ്റ് ലെയ്സൻ ഓഫീസർ.
ഇന്ത്യൻ ശിക്ഷാനിയമം 376 പ്രകാരം ബലാൽസംഗം ചെയ്തതിന് ഏഴു വർഷം കഠിന തടവ്, 50000 രൂപ പിഴ, പിഴയടക്കാത്ത പക്ഷം മൂന്നു മാസത്തെ അധിക തടവ്, പോക്സോ ആക്ടിലെ ആറാം വകുപ്പ് പ്രകാരം പത്തു വർഷം കഠിന തടവ്, 50000 രൂപ പിഴ, പിഴയടക്കാത്ത പക്ഷം മൂന്നു മാസത്തെ അധിക തടവ്, ഇതേ ആക്ടിലെ പത്താം വകുപ്പ് പ്രകാരം അഞ്ചു വർഷം കഠിന തടവ്, 20000 രൂപ പിഴ പിഴയടക്കാത്ത പക്ഷം രണ്ടു മാസത്തെ അധിക തടവ് എന്നിങ്ങനെയാണ് ശിക്ഷ. ശിക്ഷ ഒരുമിച്ചനുഭവിച്ചാൽ മതി. റിമാന്റ് കാലാവധി ശിക്ഷയായി പരിഗണിക്കാനും കോടതി ഉത്തരവിട്ടു.
Topic: Malappuram News, Malappuram Pocso case, Manjeri pocso court