ബാത്റൂമിന് മുന്നിൽ ഉപേക്ഷിച്ച നിലയിൽ; കരിപ്പൂർ വിമാനത്താവളത്തിൽ നിന്ന് പിടികൂടിയത് 1884 ഗ്രാം സ്വർണം

മലപ്പുറം: കരിപ്പൂർ രാജ്യാന്തര വിമാനത്താവളത്തിൽ വീണ്ടും സ്വർണവേട്ട. കരിപ്പൂർ വിമാനത്താവളത്തിൽ വിമാനം പുറപ്പെടുന്ന സ്ഥലത്തുള്ള ബാത്റൂമിൽ നിന്ന് ഉപേക്ഷിച്ച നിലയിൽ 1,210 ഗ്രാം സ്വർണ്ണം കരിപ്പൂർ വിമാനത്താവളം ഇന്‍റലി‍ജന്‍സ് വിഭാഗം പിടികൂടി. ഇതിനു പുറമെ രണ്ട് യാത്രക്കാരിൽ നിന്ന് കൂടി സ്വർണം പിടികൂടി.

Also Read: 14കാരനെ പ്രകൃതിവിരുദ്ധ പീഡനത്തിന് ഇരയാക്കിയ കേസിൽ ദഫ് പരിശീലകന് മുൻ‌കൂർ ജാമ്യമില്ല

ഇന്ന് ദുബൈയിൽ നിന്നും കരിപ്പൂരിൽ എത്തിയ എയർ ഇന്ത്യ വിമാനത്തിലെ യാത്രക്കാരനായ കുറ്റിയാടി സ്വദേശി പുത്തലത്ത് മജീദി(31)ൽ നിന്ന് ക്യാപ്സ്യൂൾ രൂപത്തിൽ കടത്താൻ ശ്രമിച്ച 481 ഗ്രാം സ്വർണം പിടിച്ചെടുത്തു.
ഇതിനു പുറമേ ദുബൈയിൽ നിന്നെത്തിയ മറ്റൊരു യാത്രക്കാരിൽ നിന്നും 194 സ്വർണവും പിടികൂടി.
ബാത്‌റൂം പരിസരത്ത് ഉപേക്ഷിച്ച നിലയിൽ പിടികൂടിയ സ്വർണവും രണ്ട് യാത്രക്കാരിൽ നിന്നുമായി 1884 ഗ്രാം സ്വർണം വിമാനത്താവള ഇന്‍റലി‍ജന്‍സ് വിഭാഗം ഇന്ന് പിടികൂടിയത്.

Also Read: അപൂർവങ്ങളിൽ അപൂർവം കണ്ടുവരുന്ന ഭൂഗർഭ മത്സ്യം മലപ്പുറത്ത്! കണ്ടെത്തിയത് ഒരു പ്ലസ് വൺ വിദ്യാർഥി

അതേസമയം, കരിപ്പൂർ വിമാനത്താവളം വഴിയുള്ള സ്വർണ്ണക്കള്ളക്കടത്ത് തുടർക്കഥയായി മാറുകയാണ് .
കേരളം സ്വർണ്ണക്കള്ളക്കടത്ത് വിഷയം വലിയ ചർച്ച ചെയ്യുമ്പോഴും യാതൊരു കൂസലുമില്ലാതെ ആണ് കരിപ്പൂരിൽ ഇപ്പോഴും സ്വർണ കള്ളക്കടത്ത് തുടരുന്നത്.