മലപ്പുറം: മലപ്പുറം വള്ളിക്കാപറ്റയില് 30 ഗ്രാം എംഡിഎംഎയും 700 ഗ്രാമോളം കഞ്ചാവുമായി കൂട്ടിലങ്ങാടി വള്ളിക്കാപറ്റ സ്വദേശികളായ രണ്ടുപേര് പിടിയില്. വള്ളിക്കാപ്പറ്റ കൂരിമണ്ണില് പുളിക്കാമത്ത് വീട്ടില് ജാഫര് (30), കുറ്റീരി പുളിക്കാമത്ത് വീട്ടില് ജാഫറലി (30) എന്നിവരെയാണ് മലപ്പുറം എസ്ഐ ജിഷില് വിയുടെ നേതൃത്വത്തില് മലപ്പുറം ജില്ലാ ആന്റി നര്ക്കോട്ടിക് ടീം പിടികൂടിയത്.
അതേ സമയം മലപ്പുറം കോഡൂര് ചെളൂരില് വാടക കെട്ടിടത്തില് നിന്നും ആറേകാല് കിലോ കഞ്ചാവുമായി രണ്ടുപേർ ഇന്നലെ എക്സൈസിന്റെ പിടിയിലായിരുന്നു. രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് പ്രതികള് അറസ്റ്റിലായത്.
മലപ്പുറം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
വാടക കെട്ടിടത്തിന്റെ മുറിയില് നിന്ന് 6.3 കിലോ കഞ്ചാവ് സൂക്ഷിച്ചതിന് കോഡൂര് പറയരങ്ങാടി സ്വദേശി മുജീബ്റഹ്മാന് (39), കൊല്ലം കല്ലുംകുന്ന് സ്വദേശി ഫസലുദ്ദീന് (55) എന്നിവരാണ് മലപ്പുറം എക്സൈസ് എന്ഫോഴ്സ്മെന്റ് ആന്ഡ് ആന്റി നര്കോട്ടിക് സ്പെഷ്യല് സ്ക്വാഡിന്റെ പിടിയിലായത്. ഇവര്ക്കെതിരെ എന്ഡിപിഎസ് ആക്ട് പ്രകാരമാണ് കേസെടുത്തത്.
Read Latest Local News and Malayalam News