മലപ്പുറത്ത് 4 ആരോഗ്യ പ്രവർത്തകർക്ക് കൂടി കൊവിഡ്; 126 പുതിയ കേസുകൾ

മലപ്പുറം: മലപ്പുറം ജില്ലയില്‍ 126 പേര്‍ക്ക് കൂടി കൊവിഡ്-19 സ്ഥിരീകരിച്ചതായി ജില്ലാ കളക്ടര്‍ കെ ഗോപാലകൃഷ്ണന്‍ അറിയിച്ചു. ഇവരില്‍ 117 പേര്‍ക്കും സമ്പര്‍ക്കത്തിലൂടെയാണ് രോഗബാധ.
നാല് ആരോഗ്യ പ്രവര്‍ത്തകരും കൊവിഡ് ബാധിച്ചവരിൽ ഉൾപ്പെടുന്നു. ഇവരടക്കം 11 പേര്‍ക്ക് രോഗബാധയുണ്ടായതിൻ്റെ ഉറവിടം കണ്ടെത്തി വരുകയാണ്.

Also Read: കോട്ടക്കലില്‍ കാറും ബൈക്കും കൂട്ടിയിടിച്ച് അപകടം; 2 വിദ്യാര്‍ഥികള്‍ മരിച്ചു

നേരത്തെ രോഗബാധയുണ്ടായവരുമായി അടുത്ത ബന്ധമുണ്ടായ 106 പേര്‍ക്കും സമ്പര്‍ക്കത്തിലൂടെ കൊവിഡ് സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ നാല് പേര്‍ ഇതര സംസ്ഥാനങ്ങളില്‍ നിന്നെത്തിയവരും അഞ്ച് പേര്‍ വിവിധ വിദേശ രാജ്യങ്ങളില്‍ നിന്നെത്തിയവരുമാണ്. 44 പേര്‍ കൂടി ജില്ലയില്‍ രോഗമുക്തി നേടി.

Also Read: വനിതാ മെമ്പർ എന്ന വ്യാജേന കുടുംബശ്രീ അംഗങ്ങൾക്ക് അശ്ലീല സന്ദേശങ്ങൾ അയച്ച യുവാവ് പിടിയിൽ

അതേസമയം തുടർച്ചയായ രണ്ടാം ദിവസമാണ് മലപ്പുറം ജില്ലയിൽ കൊവിഡ് രോഗികളുടെ എണ്ണം 100 കടക്കുന്നത്. ഇന്നും കൊണ്ടോട്ടി മത്സ്യമാർക്കറ്റുമായി ബന്ധപ്പെട്ടവർക്കാണ് കൂടുതലായി സമ്പർക്കത്തിലൂടെ രോഗം ബാധിച്ചത്. ജില്ലയിൽ പ്രതിരോധ പ്രവർത്തനങ്ങൾ ഉൾപ്പെടെ ഊർജിതമാക്കിയെങ്കിലും കൊവിഡ് രോഗികളുടെ എണ്ണം കുറയ്ക്കാൻ സാധിക്കുന്നില്ല.
നിലവിൽ മലപ്പുറം ജില്ലയിൽ 910 പേരാണ് കൊവിഡ് ബാധിച്ച് ചികിത്സയിൽ കഴിയുന്നത്.
ഇനി ജില്ലയിൽ 1701 പേരുടെ പരിശോധനാ ഫലങ്ങളാണ് ലഭിക്കാനുള്ളത്. അതേസമയം സംസ്ഥാനത്ത് ഏറ്റവും കൂടുതൽ രോഗികളുള്ള മൂന്നാമത്തെ ജില്ലയായി മലപ്പുറം തുടരുകയാണ്.

Also Read: എടവണ്ണ പഞ്ചായത്തിൽ ചൊവ്വാഴ്ച മുതൽ വെള്ളിയാഴ്ച് വരെ സമ്പൂർണ്ണ ലോക്ക് ഡോൺ പ്രഖ്യാപിച്ചു