ഫൈസല്‍ ഇനി 5 പേരിലൂടെ ജീവിക്കും; റിയാദില്‍ മസ്തിഷ്‌ക മരണം സംഭവിച്ച മലപ്പുറം സ്വദേശിയുടെ അവയവങ്ങള്‍ ദാനം ചെയ്തു

മലപ്പുറം: റിയാദില്‍ മസ്തിഷ്‌ക മരണം സംഭവിച്ച മലപ്പുറത്തുകാരന്‍ ഫൈസല്‍ ഇനി അഞ്ചുപേരിലൂടെ ജീവിക്കും. 42 കാരൻ്റെ അവയവങ്ങള്‍ കുടുംബത്തിൻ്റെ സമ്മതപ്രകാരം ദാനം ചെയ്തു. റിയാദില്‍ സിസിടിവി ടെക്നീഷ്യനായിരുന്ന ഫൈസല്‍ ജോലിക്കിടെ ക്ലോസ് സര്‍ക്യൂട്ട് ടി വി ഘടിപ്പിക്കുന്നതിനിടയില്‍ കോണിയില്‍ നിന്നും മറിഞ്ഞുവീഴുകയായിരുന്നു. വീഴ്ചയില്‍ തല കോണ്‍ക്രീറ്റ് പടിക്കെട്ടില്‍ ശക്തമായ ഇടിച്ചു. ഇതോടെ തലച്ചോറിനേറ്റ ക്ഷതം ഗുരുതരമായി. 10 ദിവസമായി ആശുപത്രിയില്‍ ചികിത്സക്കിടെ വ്യാഴ്ചയാണ് മരണം സംഭവിച്ചത്. ഈ ദിവസങ്ങളിലൊന്നും ബോധം തെളിഞ്ഞിരുന്നില്ല.

Also Read: ഉമ്മയുടെയും ഭര്‍തൃ സഹോദരൻ്റെയും വിജയം ലക്ഷ്യം; പ്രചാരണത്തിന് സ്വന്തമായെഴുതിയ പാട്ടുപാടി ഹന്‍ഷില

മലപ്പുറം ചെമ്മാട് സ്വദേശിയും വെളിമുക്കില്‍ താമസക്കാരനുമായ ഫൈസല്‍ പറമ്പന്‍ (42) ആണ് റിയാദിലെ മന്‍ഫുഅയിലെ അല്‍ഈമാന്‍ ആശുപത്രിയില്‍ വെച്ച് മരിച്ചത്. സിസിടിവി ടെക്നീഷ്യനായിരുന്ന ഫൈസല്‍ ജോലിക്കിടെ കോണിയില്‍ നിന്ന് വീണ് തലക്ക് ഗുരുതരമായി പരിക്കേറ്റിരുന്നു. വെളിമുക്കില്‍ സ്ഥിരതാമസക്കാരനായ ഇദ്ദേഹം നാട്ടില്‍ പോകാനിരിക്കെയാണ് അപകടമുണ്ടായത്. സിസിടിവി കാമറ ഫിറ്റ് ചെയ്യുന്നതിനെ താഴേക്ക് വീണ് ഗുരുതരമായി പരിക്കേല്‍ക്കുകയായിരുന്നു. റിയാദ് അല്‍ ഈമാന്‍ ആശുപത്രിയില്‍ ചികിത്സക്കിടെയാണ് മരണം.

Also Read: പ്രചാരണ ഗാനം പാടാനും ആളുണ്ട് കുടുംബത്തിൽ! മലപ്പുറത്ത് പിതാവിന് വോട്ട് തേടാൻ പാട്ട് പാടി മകൻ

പിതാവ്: പറമ്പന്‍ മൊയ്ദീന്‍, മാതാവ് ഫാത്തിമാബി, ഭാര്യ: ഫസീല യാറത്തുംപടി, മക്കള്‍: ഫസല്‍ നിഹാന്‍ (16), ഫിസാന ഫെമി (8), ഫൈസന്‍ ഫൈസല്‍. മൃതദേഹം റിയാദില്‍ ഖബറടക്കുന്നതിനുള്ള നിയമനടപടികള്‍ പൂര്‍ത്തിയാക്കുന്നതിന് സിദ്ദീഖ് തുവ്വൂര്‍, ചെമ്മാട് കൂട്ടാഴ്മ പ്രസിഡന്റ് സി പി മുസ്തഫ, ജന. സെക്രട്ടറി സിദ്ദീഖ് കല്ലുപറമ്പന്‍, സെക്രട്ടറി മുനീര്‍ മക്കാനിയത്ത് എന്നിവര്‍ രംഗത്തുണ്ട്.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ