മലപ്പുറത്ത് വീണ്ടും കൊവിഡ് മരണം; മരിച്ചത് തിരൂർ സ്വദേശി

മലപ്പുറം: മലപ്പുറം ജില്ലയിൽ ഇന്ന് ഒരാൾ കൂടി കൊവിഡ് രോഗബാധയെ തുടർന്ന് മരിച്ചു. തിരൂർ സ്വദേശി അബൂബക്കർ സിദ്ദീഖ് (47) ആണ് മരിച്ചത്. ഇദ്ദേഹത്തിന് കിഡ്നി സംബന്ധമായ അസുഖങ്ങളും ഉണ്ടായിരുന്നു. ഇതോടെ ഇന്ന് മാത്രം ജില്ലയിൽ കൊവിഡ് ബാധിച്ച് മരിച്ചവരുടെ എണ്ണം രണ്ടായി.

Also Read: ഗൺമാന് കൊവിഡ്; മലപ്പുറം ജില്ലാ പോലീസ് മേധാവി ക്വാറൻ്റൈനിൽ

മൈസൂരിൽ നിന്നെത്തിയ അബൂബക്കർ വീട്ടിൽ നിരീക്ഷണത്തിൽ കഴിയുകയായിരുന്നു. രണ്ടുദിവസം മുൻപ് ശാരീരിക അസ്വസ്ഥതയെ തുടർന്ന് തിരൂർ ജില്ലാ ആശുപത്രിയിൽ പ്രവേശിച്ചു. ഇവിടെ നിന്ന് കിഡ്നി സംബന്ധമായ അസുഖത്തെ തുടർന്ന് മഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിക്കുകയായിരുന്നു. കൊവിഡ് പരിശോധനയിൽ ഇദ്ദേഹത്തിന് വൈറസ് ബാധ സ്ഥിരീകരിച്ചു.

Also Read: കരിപ്പൂരില്‍ പിളര്‍ന്നു വീണ വിമാനം കവറിട്ട് മൂടി; ബാഗേജുകള്‍ പരിശോധനയ്ക്കുശേഷം കൈമാറും

കൊവിഡ് പ്രോട്ടോകോൾ അനുസരിച്ച് ഇദ്ദേഹത്തെ ഐസിയുവിലേക്ക് മാറ്റി. പിന്നീട് വിദഗ്ധ ചികിത്സ നൽകി വരുന്നതിനിടെ ഇന്ന് വൈകുന്നേരം അഞ്ച് മണിയോടെ മഞ്ചേരി മെഡിക്കൽ കോളേജ് ആശുപത്രിയിൽ വെച്ച് മരണം സംഭവിച്ചു. മൃതദേഹം കൊവിഡ് പ്രോട്ടോകോൾ അനുസരിച്ച് ആരോഗ്യ പ്രവർത്തകരുടെ നേതൃത്വത്തിൽ കബറടക്കും. മലപ്പുറം ജില്ലയിൽ കൊവിഡ് മൂലം മരിച്ചവരുടെ എണ്ണം 21 ആയി.

Also Read: മലപ്പുറത്ത് ഇനി മുതൽ ഞായറാഴ്ചകളിൽ സമ്പൂർണ ലോക്ക് ഡൗൺ