മലപ്പുറത്ത് 483 പേര്‍ക്ക് കൂടി കൊവിഡ്; 447 സമ്പര്‍ക്കരോഗബാധിതർ, 18 പേരുടെ ഉറവിടം അവ്യക്തം

മലപ്പുറം: മലപ്പുറം ജില്ലയില്‍ ഇന്ന് 483 പേര്‍ക്ക് കൂടി കൊവിഡ്-19 സ്ഥിരീകരിച്ചതായി ജില്ലാ കളക്ടര്‍ കെ ഗോപാലകൃഷ്ണന്‍ അറിയിച്ചു. ഇതില്‍ 447 പേര്‍ക്കും സമ്പര്‍ക്കത്തിലൂടെയാണ് രോഗബാധ. 18 പേരുടെ ഉറവിടം അവ്യക്തമാണ്. ഒൻപത് ആരോഗ്യ പ്രവര്‍ത്തകര്‍ക്കും രോഗം സ്ഥിരീകരിച്ചു. ഇതര സംസ്ഥാനങ്ങളില്‍ നിന്നെത്തിയ ആറു പേര്‍ക്കും വിദേശ രാജ്യങ്ങളില്‍ നിന്നെത്തിയ മൂന്നു പേര്‍ക്കും കൊവിഡ് ബാധിച്ചു.

Also Read: കുഞ്ഞാലിക്കുട്ടിക്കെതിരെ വ്യാജവാര്‍ത്ത: കൈരളി ചാനലിനെതിരെ നിയമനടപടികളുമായി മുസ്ലിംലീഗ്

അതേസമയം ജില്ലയിൽ പ്രതിദിനം കൊവിഡ് രോഗികളുടെ എണ്ണം ക്രമാതീതമായി ഉയർന്നു വരികയാണ്.
ആരോഗ്യ പ്രവർത്തകർക്ക് രോഗം സ്ഥിരീകരിക്കുന്നതും ഉറവിടമറിയാത്ത കേസുകളും ആശങ്ക സൃഷ്ടിക്കുന്നുണ്ട്. കൊവിഡ് ബാധയെ തുടർന്ന് ചികിത്സയിൽ കഴിയുന്നവരുടെ എണ്ണം 3500 കവിഞ്ഞു.
മൂവായിരത്തിൽ കൂടുതൽ പേരുടെ പരിശോധനാ ഫലങ്ങൾ ഇനി ലഭിക്കാനുണ്ടെന്ന് ജില്ലാ മെഡിക്കൽ ഓഫീസർ ഡോ. സക്കീന അറിയിച്ചു. ഇന്ന് ജില്ലയിൽ 388 പേർ കൂടി കൊവിഡ് മുക്തി നേടി.

Also Read: ഫേസ്ബുക്കിലൂടെ പരിചയപ്പെട്ട 16കാരനെ പീഡിപ്പിച്ച ലാബ് ഉടമ റിമാന്റില്‍


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ