മലപ്പുറം സ്വദേശി സൗദിയിലെ താമസ സ്ഥലത്ത് മരിച്ച നിലയില്‍

മലപ്പുറം: സൗദിയില്‍ ഹൗസ് ഡ്രൈവര്‍ ആയി ജോലി ചെയ്തുവരികയായിരുന്ന മലപ്പുറം സ്വദേശി താമസ സ്ഥലത്ത് മരിച്ച നിലയില്‍. മലപ്പുറം കാളികാവ് അമ്പലക്കടവ് സ്വദേശി പള്ളിയാലില്‍ വീട്ടില്‍ തോരപ്പ അബ്ദു റസാഖ് (ബാപ്പു 50) ആണ് മരിച്ചത്.

Also Read: മലപ്പുറത്ത് 330 പേര്‍ക്ക് കൂടി കൊവിഡ്! 302 സമ്പർക്കരോഗബാധിതർ, 7 പേരുടെ ഉറവിടം അവ്യക്തം

കഴിഞ്ഞ കുറച്ചു ദിവസങ്ങളായി ഇയാള്‍ പനി ബാധിച്ച് ആശുപത്രിയില്‍ ചികിത്സയിലായിരുന്നു. പിന്നീടാണ് തിരിച്ചുവന്നത്. ഇതിനിടയില്‍ വ്യാഴാഴ്ച രാവിലെയാണ് താമസസ്ഥലത്ത് മരിച്ച നിലയിൽ കണ്ടെത്തിയത്. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം. 20 വര്‍ഷത്തോളമായി പ്രവാസിയായ ഇദ്ദേഹം റുവൈസില്‍ സ്വദേശിയുടെ വീട്ടില്‍ ഹൗസ് ഡ്രൈവര്‍ ആയി ജോലി ചെയ്യുകയായിരുന്നു.

Also Read: കരിപ്പൂര്‍ വിമാനദുരന്തം: സംഭവ സ്ഥലം പോലീസ് പരിശോധിച്ചത് നാല് തവണ, ഒരുമാസം പിന്നിട്ടിട്ടും പ്രാഥമിക റിപ്പോര്‍ട്ടില്ല

പിതാവ്: അലി പള്ളിയാലില്‍, മാതാവ്: ഫാത്വിമ, ഭാര്യ: ബദറുന്നിസ. മക്കള്‍: ബാസിം ഫര്‍സാദ്, ബിന്‍സിയ നസ്റിന്‍, ബാസിം സമാന്‍. നിയമനടപടിക്രമങ്ങള്‍ പൂര്‍ത്തിയാക്കാന്‍ കെഎംസിസി വെല്‍ഫെയര്‍ വിങ് രംഗത്തുണ്ട്.

Also Read: കൊവിഡ് ബാധിച്ച അമ്മയെയും നവജാത ശിശുവിനെയുംസ്വന്തം വാഹനത്തില്‍ ആശുപത്രിയിൽ എത്തിക്കാൻ ശ്രമം;ഭര്‍ത്താവിനെ നാട്ടുകാര്‍ തടഞ്ഞു, സംഭവം എടപ്പാളില്‍

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ