58 Year Old Man Tried To Commit Suicide In Kuttippuram Of Malappuram
കൊവിഡ് ജീവിതം പ്രതിസന്ധിയിലാക്കി! 58 കാരന്‍ കുറ്റിപ്പുറം പാലത്തില്‍ നിന്നും ഭാരതപ്പുഴയിലേക്ക് ചാടി
മലപ്പുറം ജില്ലയിലെ കുറ്റിപ്പുറത്ത് 58വയസുകാരന്‍ ആത്മഹത്യക്ക് ശ്രമിച്ചു. കൊവിഡ് കാലത്ത് ജീവിതം പ്രതിസന്ധിയിലായതിൽ മനംനൊന്താണ് ആത്മഹത്യാശ്രമം. ഇയാളെ ലൈഫ് ഗാര്‍ഡുകളുകൾ രക്ഷപ്പെടുത്തി.
Lipi23 Jun 2020, 4:50 pm
മലപ്പുറം: കൊവിഡ് കാലത്ത് ജീവിതം പ്രതിസന്ധിയിലായ 58 വയസുകാരന്‍ ആത്മഹത്യക്ക് ശ്രമിച്ചു. കുറ്റിപ്പുറം പാലത്തില്‍ നിന്നും ഭാരതപ്പുഴയിലേക്ക് ചാടിയെങ്കിലും ലൈഫ് ഗാര്‍ഡുകളുടെ അവസരോചിതമായ ഇടപെടല്‍ മൂലം ജീവന്‍ രക്ഷിച്ചു. ഇന്ന് വൈകുന്നേരം നാലരയോടെയാണ് സംഭവം.
നേരത്തെ ഗള്‍ഫിലായിരുന്ന എടപ്പാള്‍ തറക്കല്‍ വാസു ആണ് കുറ്റിപ്പുറം പാലത്തില്‍ നിന്ന് ഭാരതപ്പുഴയിലsക്ക് ചാടിയത്. മിനി പമ്പയിലുണ്ടായിരുന്ന ലൈഫ് ഗാര്‍ഡ് കൃത്യസമത്ത് രക്ഷാപ്രവര്‍ത്തനം നടത്തിയതിനാല്‍ ജീവന്‍ രക്ഷിക്കാനായി. വാസു വിവാഹം കഴിച്ചെങ്കിലും ഭാര്യയുമായി വേര്‍പിരിഞ്ഞു. മക്കളില്ല. ഇപ്പോള്‍ ബന്ധുക്കള്‍ക്കൊപ്പമാണ് താമസം.
നേരത്തെ രണ്ട് തവണ പാലത്തിലെത്തിയ ഇയാള്‍ ആളുകളുള്ളതിനാല്‍ തിരികെ പോയിരുന്നു. കൊവിഡ് കാരണം ജോലി നഷ്ടപ്പെട്ടതോടെ ജീവിതം വഴി മുട്ടിയതിനാലാണ് പുഴയില്‍ ചാടിയതെന്നാണ് ഇയാള്‍ രക്ഷാ പ്രവര്‍ത്തനം നടത്തിയവരോട് പറഞ്ഞത്. ബന്ധു വീട്ടില്‍ നിന്നും കുറ്റിപ്പുറത്തെത്തിയ ശേഷം പാലത്തില്‍ നിന്നും ചാടുകയായിരുന്നു. ഇതുദൂരെ നിന്നും കണ്ട മിനി പമ്പയിലെ ലൈഫ്ഗാര്‍ഡ്മാരായ സുഹൈല്‍, ഹരി എന്നിവര്‍ ബോട്ടുമായി കുതിച്ചെത്തിയതിനാല്‍ പുഴയുടെ ആഴങ്ങളിലേക്ക് താഴ്ന്നു പോകാതെ ഇദ്ദേഹത്തെ രക്ഷിക്കാനായി. മഴ കനത്തെങ്കിലും നിളയില്‍ വേണ്ടത്ര ജലനിരപ്പ് ഉയരാത്തതും കുത്തൊഴുക്കില്ലാത്തതും തുണയായി. പ്രദേശത്ത് തടിച്ച് കൂടിയ നാട്ടുകാരും ലൈഫ് ഗാര്‍ഡും ട്രോമോ കെയര്‍ പ്രവര്‍ത്തകരും ചേര്‍ന്ന് ഇയാളെ കുറ്റിപ്പുറം താലൂക്ക് ആശുപത്രിയില്‍ പ്രവേശിപ്പിച്ചു. പോലീസ് നല്‍കിയ വിവരമനുസരിച്ച് ഇയാളുടെ ബന്ധുക്കളെത്തി കൂട്ടിക്കൊണ്ടുപോയി.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
