ജനം വീണ്ടും തെരുവ് നായ ഭീതിയില്‍; മലപ്പുറത്ത് ഇന്ന് മാത്രം കടിയേറ്റത് വീട്ടമ്മയും കുട്ടിയും അടക്കം 6 പേര്‍ക്ക്! വളര്‍ത്തുമൃഗങ്ങള്‍ക്കും കടിയേറ്റു

മലപ്പുറം: ജനം വീണ്ടും തെരുവ് നായ ഭീതിയില്‍. മലപ്പുറം വെളിമുക്കില്‍ ഇന്ന് മാത്രം കടിയേറ്റത് വീട്ടമ്മയും കുട്ടിയും അടക്കം ആറ് പേര്‍ക്ക്. നിരവധി വളര്‍ത്തുമൃഗങ്ങള്‍ക്കും കടിയേറ്റു. തെരുവ് നായ ശല്യം രൂക്ഷമായ മൂന്നിയൂര്‍ വെളിമുക്ക്, കൂഫ, ആലുങ്ങല്‍, പാപ്പനൂര്‍ ഭാഗങ്ങളിലാണ് നിരവധി ആളുകള്‍ക്കും വളര്‍ത്തു മൃഗങ്ങള്‍ക്കും നായയുടെ കടിയേറ്റത്.

Also Read: മലപ്പുറം ആർടി ഓഫീസിൽ ബോംബ്! ഉദ്യോഗസ്ഥരെല്ലാം പാഞ്ഞെത്തി... പിന്നീട് സംഭവിച്ചത്

ചക്കികുട്ടി ( 62 ), അസ്ഫാന (18), ശരീഫിന്റെ മകന്‍ ശാമില്‍ (15), ഹുസൈന്റെ ഭാര്യ റംല (45), പാപ്പനൂര്‍ ഭാഗത്തെ ഒരു വീട്ടമ്മയും കുട്ടിയും അടക്കം ആറ് പേരെയാണ് ഇന്ന് നായ കടിച്ചത്. ഇവരെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഏതാനും ആഴ്ച മുൻപ് വെളിമുക്കില്‍ കുട്ടികള്‍ അടക്കം ഒട്ടേറെ പേര്‍ക്ക് നായയുടെ കടിയേറ്റിരുന്നു. മൂന്നിയൂര്‍ മുട്ടിച്ചിറ കലം കൊള്ളിയാല ഭാഗത്ത് തെരുവ് നായകളുടെ ശല്യം രൂക്ഷമാണ്.

Also Read: കണ്ണുകെട്ടി വരച്ചത് 'സമയം മലയാള'ത്തിൻ്റെ ലോഗോ; അതിശയിപ്പിച്ച് മലപ്പുറത്തെ പ്ലസ് വൺ വിദ്യാർഥി

വഴിയാത്രക്കാര്‍ക്കും ആ ഭാഗങ്ങളിലെ വീട്ടുകാര്‍ക്കും ഏറെ പ്രയാസമാണുള്ളത്. കുട്ടികള്‍ക്ക് വീട്ടില്‍ നിന്ന് മുറ്റത്തേയ്ക്ക് ഇറങ്ങാന്‍ പോലും പറ്റാത്ത അവസ്ഥയാണ്. രാത്രി സമയങ്ങളില്‍ ബസ് ഇറങ്ങി വരുന്ന കാല്‍നടയാത്രക്കാര്‍ക്കും ബൈക്ക് യാത്രക്കാര്‍ക്കും തെരുവ് നായകള്‍ ശല്യമാകുന്നുണ്ട്. മുട്ടിച്ചിറയിലെ കോഴിപറമ്പത്ത് ലത്തീഫിന്റെ വീട്ടിലെ വില കൂടിയ ഫാന്‍സി കോഴികളെ കഴിഞ്ഞ ദിവസമാണ് നായകള്‍ കൊന്നൊടുക്കിയത്.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ