മലപ്പുറത്ത് ഒരു കൊവിഡ് മരണം കൂടി; മരിച്ചത് പെരുമണ്ണ സ്വദേശിനി

മലപ്പുറം: മലപ്പുറം ജില്ലയിൽ ഒരാൾ കൂടി കൊവിഡ് രോഗബാധയെ തുടർന്ന് മരിച്ചു. പെരുമണ്ണ സ്വദേശി കദീജുമ്മ (65) ആണ് മരിച്ചത്. മഞ്ചേരി മെഡിക്കൽ കോളേജിൽ ചികിത്സയിലിരിക്കെയാണ് മരണം. ഇവർ കൊവിഡിനു പുറമെ മറ്റു അസുഖങ്ങൾക്കും ചികിത്സയിലായിരുന്നു.


Also Read: പട്ടാപ്പകല്‍ യുവാവിനെ കുത്തിക്കൊലപ്പെടുത്തിയ കേസ്; പി വി അന്‍വറിൻ്റെ അനന്തിരവനായ ഒന്നാം പ്രതിയുടെ ജാമ്യാപേക്ഷ തള്ളി

കഴിഞ്ഞ ഞായറാഴ്ചയാണ് കദീജുമ്മയ്ക്ക് കൊവിഡ് സ്ഥിരീകരിച്ചത്. എല്ലാവിധ വിദഗ്ധ ചികിത്സയും നൽകി വരികയായിരുന്നു, അതിനിടയിലാണ് ഇന്ന് രാത്രി ഇവർ മരണപ്പെട്ടത്. ആശുപത്രി നടപടികൾക്കുശേഷം പ്രോട്ടോകോൾ പാലിച്ചുകൊണ്ട് ആരോഗ്യ പ്രവർത്തകരുടെ നേതൃത്വത്തിൽ ഖബറടക്കും. കദീജുമ്മയ്ക്ക് രോഗം സ്ഥിരീകരിച്ചതിനെ തുടർന്ന് ഇവരുടെ നാലു മക്കളും മരുമക്കളും നിരീക്ഷണത്തിലാണ്.

Also Read: മലപ്പുറത്ത് കനത്ത മഴ; ചാലിയാറില്‍ ജലനിരപ്പുയരുന്നു

ഇതോടെ മലപ്പുറം ജില്ലയിൽ കൊവിഡ് മൂലം മരണപ്പെടുന്നവരുടെ എണ്ണം പതിനാലായി. ജില്ലയിൽ കൊവിഡ് മൂലം മരണപ്പെടുന്നവരുടെ എണ്ണവും വർധിച്ചുവരികയാണ്.

Also Read: ഇനിയും കവളപ്പാറ ആവര്‍ത്തിക്കരുത്... പോത്തുകല്ല് പഞ്ചായത്തിൽ കാലവർഷ മുൻകരുതല്‍, എംഎല്‍എയുടെ നേതൃത്വത്തില്‍ യോഗം ചേര്‍ന്നു