മലപ്പുറം: പോലീസുകാര്ക്ക് ഒരു കൈ സഹായവുമായി എഞ്ചിനീയറായ അഹമ്മദ് മൂപ്പന്. കല്പകഞ്ചേരി സ്റ്റേഷനില് പരാതിയുമായി എത്തുന്നവര്ക്ക് ഒന്നിരിക്കാന് പോലും സ്ഥലമുണ്ടായിരുന്നില്ല. പോലീസ് സ്റ്റേഷനിലെ അസൗകര്യങ്ങള് മനസിലാക്കിയ കല്പകഞ്ചേരി സ്വദേശിയും എഞ്ചിനീയറുമായ അഹമ്മദ് മൂപ്പന് പോലീസ് സ്റ്റേഷന് ഒരു വിശ്രമമുറി ഒരുക്കിക്കൊടുക്കാന് സന്നദ്ധനായി മുന്നോട്ട് വരികയായിരുന്നു.
ഒടുവില് വിശ്രമ മുറിയുടെ പണി പൂര്ത്തിയാക്കി പോലീസ് സ്റ്റേഷന് സമര്പ്പിച്ചിരിക്കുകയാണ് ഇദ്ദേഹം. വിശ്രമമുറിയുടെ ഉദ്ഘാടനം മലപ്പുറം ജില്ലാ പോലീസ് മേധാവി യു അബ്ദുള്
കരീം നിര്വഹിച്ചു. പുരുഷന്മാര്ക്കും സ്ത്രീകള്ക്കും പ്രത്യേകം വിശ്രമ മുറികളാണ് ഒരുക്കിയിരിക്കുന്നത്.
6 ലക്ഷം രൂപ ചെലവിലാണ് അഹമ്മദ് മൂപ്പന് കല്പ്പഞ്ചേരി പോലീസ് സ്റ്റേഷനില് വിശ്രമമുറിയും കാര് പാര്ക്കിംഗ് സൗകര്യവും ഒരുക്കിയിരിക്കുന്നത്. അഹമ്മദ് മൂപ്പന്റെ പ്രവര്ത്തി മാതൃകാപരമാണെന്നും അദ്ദേഹത്തിന് എല്ലാവിധ അഭിനന്ദനങ്ങളും അറിയിക്കുന്നതായും യു അബ്ദുള് കരീം പറഞ്ഞു.