കരിപ്പൂരിൽ നിന്ന് കൂടുതൽ പ്രതിദിന സർവീസുകൾ; ഇനി ഈ മൂന്നിടങ്ങളിലേക്ക് ദിവസവും യാത്ര ചെയ്യാം, സമയക്രമം ഇങ്ങനെ

മലപ്പുറം: കരിപ്പൂർ രാജ്യാന്തര വിമാനത്താവളത്തിൽ നിന്ന് കൂടുതൽ ആഭ്യന്തര പ്രതിദിന സർവീസുകൾ. നേരത്തെ ആഴ്ചയിൽ മൂന്നും നാലും ദിവസങ്ങളിൽ മാത്രം സർവീസ് നടത്തിയിരുന്ന വിമാനങ്ങളാണ് ഇനി മുതൽ പ്രതിദിന സർവീസുകളാക്കി മാറ്റുന്നത്.

Also Read: മന്ത്രി ജലീൽ വളാഞ്ചേരിയിൽ നിന്ന് തിരുവനന്തപുരത്തേക്ക്; കനത്ത സുരക്ഷ ഒരുക്കി പോലീസ്, കരിങ്കൊടി കാണിച്ച് യൂത്ത് കോൺഗ്രസ്

കരിപ്പൂരിൽ നിന്ന് ഡൽഹിയിലേക്ക് ആഴ്ചയിൽ മൂന്നു ദിവസം സർവീസ് നടത്തിയിരുന്ന എയർ ഇന്ത്യ വിമാനം ഈ മാസം 16 മുതൽ ആഴ്ചയിൽ ഏഴു ദിവസവും സർവീസ് നടത്തും. ഹൈദരാബാദ് ഇൻഡിഗോ വിമാനവും ആഴ്ചയിൽ മൂന്നു ദിവസം മാത്രമായിരുന്നു സർവീസ് നടത്തിയിരുന്നത്. 17 മുതൽ കരിപ്പൂർ-ഹൈദരാബാദ് ഇൻഡിഗോ സർവീസ് പ്രതിദിനമാക്കാൻ കമ്പനി തീരുമാനിച്ചു. സമാനമായ രീതിയിൽ ഇൻഡിഗോയുടെ മുംബൈ സർവീസും കരിപ്പൂരിൽ നിന്ന് ആരംഭിച്ചു. ഇതോടെ മറ്റു കണക്ഷൻ ഫ്ലൈറ്റുകൾ വഴി വിദേശ രാജ്യങ്ങളിലേക്ക് പോകുന്നവർക്കും
ഡൽഹി, മുംബൈ തുടങ്ങിയ നഗരങ്ങളിൽ ബിസിനസ്-വിദ്യാഭ്യാസ ആവശ്യങ്ങൾക്ക് പോകുന്നവർക്കും പുതിയ തീരുമാനം ഏറെ ഉപകാരപ്രദമാകും. ആഭ്യന്തര സർവീസുകളുടെ എണ്ണം കൂടുന്നതോടെ കരിപ്പൂർ വിമാനത്താവളത്തെ സംബന്ധിച്ചിടത്തോളം കൂടുതൽ പ്രതീക്ഷകൾക്കാണ് വഴിതുറക്കുന്നത്.

Also Read: കവളപ്പാറ ദുരന്തം: രക്ഷാപ്രവര്‍ത്തനത്തിനിടെ ജീവൻ പൊലിഞ്ഞ അനീഷിൻ്റെ ഭാര്യയ്ക്ക് സർക്കാർ ജോലി


അതേസമയം സർവീസുകളുടെ സമയക്രമങ്ങളും പുനക്രമീകരിച്ചു. ഈ മാസം 17 മുതൽ പ്രതിദിന സർവീസായി മാറുന്ന ഇൻഡിഗോ മുംബൈ വിമാനം ഉച്ചക്ക് 12.30 ന് മുംബൈയിൽ നിന്ന് പുറപ്പെട്ട് 2.35 ന് കരിപ്പൂരിലെത്തും. തിരിച്ച് ഉച്ചക്ക് 3.05 ന് പുറപ്പെട്ട് 4.55 നാണ് മുംബൈയിലെത്തുക. ബുധൻ, വെള്ളി, ഞായർ, തിങ്കൾ ദിവസങ്ങളിൽ ഹൈദരാബാദ് ഇൻഡിഗോ വിമാനം രാവിലെ എട്ടിന് ഹൈദരാബാദിൽ നിന്ന് പുറപ്പെട്ട് 9.45 ന് കരിപ്പൂരിലെത്തും. 10.15 ന് മടങ്ങുന്ന വിമാനം 12 ന് ഹൈദരാബാദിലെത്തും. ചൊവ്വ, വ്യാഴം, ശനി ദിവസങ്ങളിൽ വൈകീട്ട് 4.20 ന് ഹൈദരാബാദിൽ നിന്ന് പുറപ്പെട്ട് 6.05നാണ് കരിപ്പൂരിലെത്തുക. 6.35 ന് മടങ്ങുന്ന വിമാനം 8.20 ന് ഹൈദരാബാദിലെത്തും. അതേസമയം ഡൽഹി എയർ ഇന്ത്യ വിമാനം ഡൽഹിയിൽ നിന്നും ഉച്ചക്ക് 2 മണിക്ക് പുറപ്പെട്ട് കണ്ണൂർ വഴി വൈകുന്നേരം 6.35 നു കോഴിക്കോടെത്തും. തിരിച്ചു രാത്രി എട്ടുമണിക്ക് പുറപ്പെട്ടു 11 മണിയോടെ ഡൽഹിയിലെത്തും.

Also Read: ഒഴുക്കില്‍പ്പെട്ട് കാണാതായ കാടാമ്പുഴ സ്വദേശിയുടെ മൃതദേഹം കണ്ടെത്തി; ഒരാള്‍ക്കായി തിരച്ചില്‍ തുടരുന്നു

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ