മലപ്പുറം (Malappuram): പൊന്നാനിയിൽ നിന്ന് കാണാതായ മൂന്നു മത്സ്യത്തൊഴിലാളികളെ രക്ഷപ്പെടുത്തി. ബേപ്പൂരിൽ വെച്ചാണ് ഇവരെ കണ്ടെത്തിയത്. കഴിഞ്ഞ വെള്ളിയാഴ്ച രാവിലെയാണ് മൂവരും മത്സ്യബന്ധനത്തിനായി കടലിൽ പോയത്. ഇന്നലെ രാവിലെ എത്തേണ്ട തൊഴിലാളികൾ ഉച്ചയ്ക്കും എത്താത്തതിനെ തുടർന്നാണ് മൂവർക്കുമായി തെരച്ചിൽ ആരംഭിച്ചത്. കോസ്റ്റൽ പോലീസ്, കോസ്റ്റ് ഗാർഡ്, ഫിഷറിസ് വകുപ്പ് ഉൾപ്പെടെയുള്ളവരുടെ നേതൃത്വത്തിലാണ് ഇന്നലെ മുതൽ തെരച്ചിൽ നടത്തിയത്.
നിരവധി തവണ ഇവരെ ബന്ധപ്പെടാൻ ശ്രമിച്ചെങ്കിലും മൂവരുടെയും മൊബൈൽ ഫോൺ സ്വിച്ച് ഓഫ് ആയിരുന്നു. ശനിയാഴ്ചയും ഞായറാഴ്ചയും നടത്തിയ തെരച്ചിലിലാണ് പൊന്നൂസ് എന്ന് ഒഴുക്കു വലക്കാർ മൂന്നു പേരെയും കണ്ടെത്തി രക്ഷപ്പെടുത്തി കരയ്ക്ക് എത്തിച്ചത്. ഇവർ മത്സ്യബന്ധനത്തിനു പോയ വള്ളവും ബേപ്പൂരിൽ വെച്ച് കണ്ടെത്തിയിട്ടുണ്ട്. ഇന്ന് രാവിലെ കോസ്റ്റ് ഗാർഡിൻ്റെ ഹെലികോപ്റ്റർ ഉൾപ്പെടെ ഇവരെ കണ്ടെത്തുന്നതിനായി തെരച്ചിൽ നടത്തിയിരുന്നു. ഫിഷറീസ് പട്രോൾ ബോട്ട്, കോസ്റ്റ് ഗാർഡ് ഷിപ്പ് , മത്സ്യത്തൊഴിലാളികൾ എന്നിവരും തെരച്ചിലിൻ്റെ ഭാഗമായി.
ബേപ്പൂരിൽ നിന്നു ഫിഷറീസ് വകുപ്പിൻ്റെ മറൈൻ ആംബുലൻസും മെഡിക്കൽ സൗകര്യങ്ങളുമായി സഹായത്തിനുണ്ടായിരുന്നു. തൃശൂരിൽ നിന്നുള്ള ഫിഷറീസ് പട്രോൾ ബോട്ടും കണ്ണൂരിൽ നിന്നുള ബോട്ടും തെരച്ചിലിന് എത്തിയിരുന്നു. രക്ഷപ്പെടുത്തിയ തൊഴിലാളികളായ ബദറു കളരിക്കൽ, ജമാൽ പൊന്നാനി, നാസർ എന്നിവരുടെ ആരോഗ്യനില തൃപ്തികരമാണെന്നും മറ്റു പ്രശ്നങ്ങളില്ലെന്നും അധികൃതർ അറിയിച്ചു. മത്സ്യത്തൊഴിലാളികളെ കണ്ടെത്തി സുരക്ഷിതമായി കരക്കെത്തിക്കാൻ പരിശ്രമിച്ച എല്ലാവരേയും കായിക വകുപ്പ് മന്ത്രി വി വി അബ്ദുറഹിമാൻ അഭിനന്ദിച്ചു.
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Malappuram News, Ponnani, Ponnani Fishermen Missing
നിരവധി തവണ ഇവരെ ബന്ധപ്പെടാൻ ശ്രമിച്ചെങ്കിലും മൂവരുടെയും മൊബൈൽ ഫോൺ സ്വിച്ച് ഓഫ് ആയിരുന്നു. ശനിയാഴ്ചയും ഞായറാഴ്ചയും നടത്തിയ തെരച്ചിലിലാണ് പൊന്നൂസ് എന്ന് ഒഴുക്കു വലക്കാർ മൂന്നു പേരെയും കണ്ടെത്തി രക്ഷപ്പെടുത്തി കരയ്ക്ക് എത്തിച്ചത്. ഇവർ മത്സ്യബന്ധനത്തിനു പോയ വള്ളവും ബേപ്പൂരിൽ വെച്ച് കണ്ടെത്തിയിട്ടുണ്ട്. ഇന്ന് രാവിലെ കോസ്റ്റ് ഗാർഡിൻ്റെ ഹെലികോപ്റ്റർ ഉൾപ്പെടെ ഇവരെ കണ്ടെത്തുന്നതിനായി തെരച്ചിൽ നടത്തിയിരുന്നു. ഫിഷറീസ് പട്രോൾ ബോട്ട്, കോസ്റ്റ് ഗാർഡ് ഷിപ്പ് , മത്സ്യത്തൊഴിലാളികൾ എന്നിവരും തെരച്ചിലിൻ്റെ ഭാഗമായി.
ബേപ്പൂരിൽ നിന്നു ഫിഷറീസ് വകുപ്പിൻ്റെ മറൈൻ ആംബുലൻസും മെഡിക്കൽ സൗകര്യങ്ങളുമായി സഹായത്തിനുണ്ടായിരുന്നു. തൃശൂരിൽ നിന്നുള്ള ഫിഷറീസ് പട്രോൾ ബോട്ടും കണ്ണൂരിൽ നിന്നുള ബോട്ടും തെരച്ചിലിന് എത്തിയിരുന്നു. രക്ഷപ്പെടുത്തിയ തൊഴിലാളികളായ ബദറു കളരിക്കൽ, ജമാൽ പൊന്നാനി, നാസർ എന്നിവരുടെ ആരോഗ്യനില തൃപ്തികരമാണെന്നും മറ്റു പ്രശ്നങ്ങളില്ലെന്നും അധികൃതർ അറിയിച്ചു. മത്സ്യത്തൊഴിലാളികളെ കണ്ടെത്തി സുരക്ഷിതമായി കരക്കെത്തിക്കാൻ പരിശ്രമിച്ച എല്ലാവരേയും കായിക വകുപ്പ് മന്ത്രി വി വി അബ്ദുറഹിമാൻ അഭിനന്ദിച്ചു.
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
Topic: Malappuram News, Ponnani, Ponnani Fishermen Missing