30 വര്‍ഷത്തെ പ്രവാസ ജീവിതം അവസാനിപ്പിച്ചു; ലോക്ക് ഡൗൺ പാഠമുൾക്കൊണ്ട് കൃഷിയിലേക്കിറങ്ങി മലപ്പുറത്തുകാരൻ

മലപ്പുറം: ലോക്ക് ഡൗണ്‍ കാലത്തെ പാഠമുള്‍ക്കൊണ്ട് 30 വര്‍ഷത്തെ പ്രവാസി ജീവിതം അവസാനിപ്പിച്ച് കൃഷിയിലേക്ക് ഇറങ്ങുകയാണ് തിരൂരങ്ങാടി കക്കാട് സ്വദേശി ഒറ്റത്തിങ്ങല്‍ ബഷീര്‍ അഹമ്മദ്. തൻ്റെ കാടുമൂടികിടന്നിരുന്ന ഒരു ഏക്കറോളം ഭൂമി സ്വന്തമായി വെട്ടിത്തെളിച്ച് കൃഷി യോഗ്യമാക്കി മാറ്റുകയായിരുന്നു.

Also Read: മറിയപ്പള്ളിയിൽ ഒരു കുടുംബത്തിലെ 4 പേർക്ക് കൊവിഡ്! കോട്ടയത്ത് 9 പേർക്ക് കൂടി രോഗം

പ്രധാനമായും കപ്പ, വാഴ, ചേന, ചേമ്പ് കൂടാതെ ചിരങ്ങ, വെള്ളരി, ചീര തുടങ്ങിയവയും കൃഷി ചെയ്യുന്നുണ്ട്. മഴക്ക് ശേഷം തരിശായി കിടക്കുന്ന പാടശേഖരത്തില്‍ നെല്‍കൃഷി ആരംഭിക്കാനുള്ള തയ്യാറെടുപ്പിലുമാണ്. നാട്ടിലെ ഭക്ഷ്യക്ഷാമം നേരിടാന്‍ യുവ തലമുറയെ കൃഷിയിലേക്ക് ഇറക്കുക എന്ന ലക്ഷ്യം വെച്ച് യുവജനങ്ങളെ സംഘടിപ്പിച്ച് കൂടുതല്‍ മേഖലയില്‍ ജൈവകൃഷി ആരംഭിക്കാനാണ് തീരുമാനമെന്ന് ബഷീര്‍ അഹമ്മദ് പറഞ്ഞു.

Also Read: പ്രണയ വിവാഹം നടന്ന് വെറും 22 ദിവസം, നവവരന്‍ തൂങ്ങി മരിച്ചു... കോട്ടയത്ത് നടന്നത് ദാരുണ സംഭവം!

പന്ത്രണ്ടാം വാര്‍ഡ് മുസ്ലിം ലീഗ് പ്രസിഡൻ്റും കെഎംസിസി നേതാവ് കൂടിയാണ് ബഷീർ. സജീവമായ ഇടപെടലുകള്‍ നടത്തി ചാര്‍ട്ടേഡ് ഫ്ലൈറ്റ് വഴി നിരവധി പ്രവാസികളെ നാട്ടിലെത്തിക്കുന്നതിനും, ലോക്ക് ഡൗണ്‍ സമയത്ത് നിരവധി കുടുംബങ്ങള്‍ക്ക് ഭക്ഷണ കിറ്റ് എത്തിച്ചു നൽകുന്നതിനും ബഷീർ രംഗത്തുണ്ടായിരുന്നു.

Also Read: ഉദ്യോഗസ്ഥരുടെ കടുംപിടിത്തം: പെരുവഴിയില്‍ ഇറങ്ങേണ്ട അവസ്ഥയില്‍ മഞ്ജുവും മക്കളും