മലപ്പുറം: വിവാഹത്തലേന്ന് ബന്ധുക്കള്ക്കൊപ്പം ഫോട്ടോയെടുക്കുന്നതിനിടെ 19കാരിയായ വധു കുഴഞ്ഞു വീണ് മരിച്ചു. മലപ്പുറം പെരിന്തല്മണ്ണ പാതായ്ക്കര സ്കൂള് പടിയിലെ കിഴക്കേതില് മുസ്തഫയുടെയും സീനത്തിന്റെയും മകള് ഫാത്തിമ ബത്തൂല് (19) ആണ് മരിച്ചത്. ഇന്ന് വിവാഹം നടക്കാനിരിക്കെ ഇന്നലെ വൈകിട്ട് വീട്ടില്വെച്ചു നടന്ന മൈലാഞ്ചിക്കല്യാണത്തിന് ഫോട്ടോയെടുക്കുന്നതിനിടെയാണ് വധു കുഴഞ്ഞു വീണത്. മൂര്ക്കനാട് സ്വദേശിയുമായാണ് വിവാഹം ഇന്നു നടക്കാനിരുന്നത്. ഇവരുടെ നിക്കാഹ് നേരത്തെ കഴിഞ്ഞതാണെങ്കിലും വിവാഹാഘോഷവും, കൂട്ടിക്കൊണ്ടുപോകലുമായിരുന്നു ഇന്നു നടക്കേണ്ടിയിരുന്നത്.
ഉടന് തന്നെ എല്ലാവരും ചേര്ന്നു വീടിനടത്തുതന്നെയുള്ള ഇഎംഎസ് ആശുപത്രിയിലെത്തിച്ചെങ്കിലും ജീവന് രക്ഷിക്കാന് സാധിച്ചില്ല. രാത്രി വധു കുഴഞ്ഞു വീണതോടെ എന്താണു സംഭവിച്ചതെന്നുപോലും വീട്ടുകാര്ക്കു മനസ്സിലാക്കാനായിരുന്നില്ല. പെരിന്തല്മണ്ണ പ്രൊബേഷന് എസ്.ഐ. തുളസിയുടെ നേതൃത്വത്തില് ആശുപത്രിയിലെത്തിയ ഇന്ക്വസ്റ്റ് നടപടികള് പൂര്ത്തിയാക്കിയത് ഫവാസാണ് ഫാത്തിമ ബത്തൂലിന്റെ സഹോദരന്. നിയമ നടപടികള്ക്കുശേഷം വൈകിട്ട് പാതായ്ക്കര ജുമാമസ്ജിദ് ഖബര്സ്ഥാനില് മൃതദേഹം മറവ് ചെയ്യും.
മലപ്പുറം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News