മലപ്പുറത്ത് അടുത്ത 3 മണിക്കൂറിൽ കനത്ത മഴയ്ക്ക് സാധ്യത, ജാഗ്രത

മലപ്പുറം: മലപ്പുറം ജില്ലയിൽ അടുത്ത മൂന്നു മണിക്കൂറിനുളിൽ കനത്ത മഴയ്ക്കും കാറ്റിനും സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം. സംസ്ഥാനത്ത് 40 മണിക്കൂർ വേഗതയിൽ കാറ്റിനും മഴയ്ക്കും സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു. അതേസമയം നേരത്തെ പ്രഖ്യാപിച്ച റെഡ് അലർട്ട് ജില്ലയിൽ തുടരുകയാണ്.

Also Read: വീട്ടുമുറ്റത്ത് നിന്നും പിറകോട്ടെടുത്ത മിനിലോറിയിടിച്ച് വയോധിക മരിച്ചു

ഇന്നലെ അർധരാത്രി ആരംഭിച്ച കനത്ത കാറ്റോടു കൂടിയുള്ള മഴ ഉച്ചവരെ തുടർന്നു. പലയിടങ്ങളിൽ നേരിയ നാശനഷ്ടങ്ങളും സംഭവിച്ചു. ജില്ലയുടെ ചില താഴ്ന്ന പ്രദേശങ്ങളിലെല്ലാം വെള്ളം കയറി. നിലമ്പൂർ വനമേഖലയിൽ ശക്തമായ മഴ തുടരുന്ന സാഹചര്യത്തിൽ ചാലിയാർ പുഴയിലും ജലനിരപ്പ് ക്രമാതീതമായി ഉയരുന്നുണ്ട്. എന്നാൽ ഉച്ചയ്ക്കുശേഷം ജലനിരപ്പിൽ കുറവ് ഉണ്ടായി. മലമ്പുഴ ഡാമിൻ്റെ ഷട്ടറുകൾ തുറന്നതിനാൽ ഭാരതപ്പുഴയിൽ ജലനിരപ്പ് ഉയരാൻ സാധ്യതയുണ്ട്. ഈ സാഹചര്യത്തിൽ പൊതു ജനങ്ങൾ ജാഗ്രത പുലർത്തണമെന്നു ജില്ലാ ഭരണകൂടം അറിയിച്ചു. മത്സ്യത്തൊഴിലാളികൾ കടലിൽ പോകരുതെന്നും ജില്ലാ ദുരന്തനിവാരണ അതോറിറ്റിയും അറിയിപ്പ് നൽകി.

Also Read: കൊവിഡ് ചികിത്സയിൽ കഴിഞ്ഞ ആലത്തൂര്‍പടിയില്‍ സ്വദേശി മരിച്ചു


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ