മലപ്പുറം: തിരൂർക്കാട് ബൈക്കുകൾ കൂട്ടിയിടിച്ച് എംബിബിസ് വിദ്യാർത്ഥിനി മരിച്ച സംഭവത്തിൽ സഹപാഠി അറസ്റ്റിൽ. തൃശ്ശൂർ സ്വദേശി അശ്വിന്റെ അറസ്റ്റാണ് മങ്കട പോലീസ് രേഖപ്പെടുത്തിയത്. ഈ കഴിഞ്ഞ തിങ്കളാഴ്ച രാവിലെയാണ് പാലക്കാട് കോഴിക്കോട് ദേശീയ പാതയിൽ തിരൂർക്കാട്ട് ബൈക്കുകൾ കൂട്ടിയിടിച്ചുണ്ടായ അപകടത്തിൽ വിദ്യാർത്ഥിനി മരിച്ചത്. എംഇസ് മെഡിക്കൽ കോളജിലെ വിദ്യാർത്ഥിനിയായ അൽഫോൻസ (22) ആണ് മരിച്ചത്.
പറവൂർ സ്വദേശികളായ നിക്സണിന്റെയും നിർമലയുടെയും ഏക മകളായിരുന്നു അൽഫോൺസ. ഏറെ പരാധീനതകൾക്ക് നടുവിൽ നിന്നാണ് മാതാപിതാക്കൾ മകളുടെ എംബിബിഎസ് സ്വപ്നങ്ങൾക്ക് കരുത്തേകിയത്. അൽഫോൺസയുടെ വിയോഗം ഒരു നാടിനെയാകെ ദുഖത്തിലാഴ്ത്തിയിരിക്കുകയാണ്. ക്രിസ്മസ് അവധിക്കാണ് അൽഫോൺസ അവസാനമായി വീട്ടിൽ എത്തിയത്. ഈസ്റ്ററിന് വരാനിരിക്കെയാണ് അപ്രതീക്ഷിത ദുരന്തം.
Read Latest Local News and Malayalam News
മലപ്പുറം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം