മലപ്പുറം: ജില്ലയില് ഒരു കൊവിഡ് മരണം കൂടി. പെരിന്തല്മണ്ണ സ്വദേശി മൊയ്ദുപ്പയാണ് മരിച്ചത്. 82 വയസായിരുന്നു. സമ്പര്ക്കത്തിലൂടെയാണ് ഇയാള് രോഗബാധിതനായത്. ഇതോടെ ജില്ലയില് ഇതുവരെ കൊവിഡ് ബാധിച്ച് മരിച്ചവരുടെ എണ്ണം 20 ആയി.
പനിയും ശ്വാസം മുട്ടലും അനുഭവപ്പെട്ടതിനെ തുടര്ന്ന് ജൂലൈ 30നാണ് മൊയ്ദൂപ്പയെ മഞ്ചേരി മെഡിക്കല് കോളേജില് പ്രവേശിപ്പിക്കുന്നത്. സ്രവ പരിശോധനയില് കൊവിഡ് സ്ഥിരീകരിച്ചതിനെ തുടര്ന്ന് കൊവിഡ് ഐസിയുവിലേക്ക് മാറ്റി.
Also Read: മലപ്പുറത്ത് 11 വയസ്സുകാരിയെ മാസങ്ങളോളം പീഡിപ്പിച്ചു; എറണാകുളം സ്വദേശി അറസ്റ്റില്
വിദഗ്ധ പരിശോധനയില് ഇദ്ദേഹത്തിന് കൊവിഡ് ന്യൂമോണിയയും ശരീരത്തിന്റെ പ്രധാന അവയവങ്ങള് പ്രവര്ത്തന രഹിതമാണെന്നും കണ്ടെത്തി. പ്ലാസ്മ തെറാപ്പി ചികിത്സയും നല്കിയിരുന്നു. രോഗിയുടെ നില ഗുരുതരമായതിനെ തുടര്ന്ന് ഇന്വേസീവ് വെന്റിലേറ്ററിലേക്ക് മാറ്റിയെങ്കിലും ചികിത്സയോട് പ്രതികരിക്കാതെ ചൊവ്വാഴ്ച രാവിലെ മരണം സംഭവിക്കുകയായിരുന്നു. കൊവിഡ് പ്രോട്ടോക്കോള് പാലിച്ച് മൃതദേഹം കബറടക്കം.