പൊന്നാനിയിൽ സിപിഐ നേതാവിനു നേരെ ആക്രമണം, തലയ്ക്ക് ഗുരുതര പരിക്ക്; പിന്നിൽ സിപിഎമ്മെന്ന് സിപിഐ

മലപ്പുറം: പൊന്നാനി വെളിയംകോട് കോതമുക്കിൽ സിപിഐ നേതാവിന് നേരെ ആക്രമണം. സിപിഐ പ്രാദേശിക നേതാവ് ബാലൻ ചെറോമലിന് നേരെയാണ് ആക്രമണം ഉണ്ടായത്. ഇയാളുടെ തലയ്ക്ക് ഗുരുതര പരിക്കേറ്റു. കുന്നംകുളത്തുള്ള സ്വകാര്യ ആശുപത്രിയിൽ ബാലനെ പ്രവേശിപ്പിച്ചു. ഇയാളുടെ ആരോഗ്യനില തൃപ്തികരമാണ്.

Also Read: കൊവിഡ് ചികിത്സയിലിരിക്കെ ആത്മവിശ്വാസം കൈവിടാതെ ഒരു ഉദ്യോഗാർഥി; പിഎസ്‍സി പരീക്ഷ ആംബുലൻസിൽ!

അതേസമയം ആക്രമണത്തിനു പിന്നിൽ സിപിഎമ്മാണെന്ന് സിപിഐ നേതൃത്വം ആരോപിച്ചു. പഞ്ചായത്തിൽ സിപിഎം-സിപിഐ സീറ്റുവിഭജന ചര്‍ച്ച അലസിപിരിഞ്ഞിരുന്നു. പ്രദേശത്ത് കൊടി തോരണങ്ങൾ കെട്ടുന്നതുമായി ബന്ധപ്പെട്ട് സിപിഎം-സിപിഐ തർക്കം നിലനിന്നിരുന്നു. ഇതാണ് ആക്രമണത്തിനു കാരണമായതെന്നാണ് സിപിഐ ആരോപിക്കുന്നത്.

മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ