ഇവിടെ കൊടിതോരണങ്ങളോ ചുമരെഴുത്തുകളോ ഇല്ല, ഇലക്ട്രിക് പോസ്റ്റുകളും റോഡുകളും ശൂന്യം; പ്രചാരണ രംഗത്ത് വ്യത്യസ്തമായി മലപ്പുറം കോട്ടേക്കുന്ന്!

മലപ്പുറം: തെരഞ്ഞെടുപ്പ് പ്രചാരണങ്ങള്‍ കൊടുമ്പിരികൊള്ളുമ്പോഴും കൊടിതോരണങ്ങളോ ചുമരെഴുത്തുകളോ ഇല്ലാത്ത ഒരു പ്രദേശം. ഇവിടുത്തെ ഇലക്ട്രിക് പോസ്റ്റുകളും റോഡുകളും ശൂന്യമാണ്. പ്രചാരണ രംഗത്ത് വ്യത്യസ്തമാണ് മലപ്പുറം ആലംങ്കോട് പഞ്ചായത്തിലെ കോട്ടേക്കുന്ന് പ്രദേശം.

Also Read: തെങ്ങോല കൊണ്ട് കമാനം, ചേമ്പില ഉപയോഗിച്ച് അലങ്കാരം, പാളയിൽ നിര്‍ദേശങ്ങൾ; സർവം ഹരിതമയം! കൗതുകമായി പരിസ്ഥിതി സൗഹൃദ ബൂത്തുകൾ, ചിത്രങ്ങൾ

14-ാം വാര്‍ഡിലാണ് ഈ അപൂര്‍വത. കോട്ടേക്കുന്ന് പ്രദേശം തെരെഞ്ഞെടുപ്പ് പ്രചാരണ രംഗത്ത് ഒരു വ്യത്യസ്തമായ മാതൃക തീര്‍ക്കുകയാണ്. ഇവിടെ റോഡുകളും ഇലക്ട്രിക് പോസ്റ്റുകളും മതിലുകളും ശൂന്യമാണ്. രാഷ്ട്രീയ പാര്‍ട്ടികളുടെ കൊടിതോരണങ്ങളോ ചുമരെഴുത്തുകളോ സ്ഥാനാര്‍ഥികളുടെ ഫോട്ടോയും ചിഹ്നങ്ങളും പതിച്ച ഫ്ലക്‌സ് ബോര്‍ഡുകളോ കോട്ടേക്കുന്നില്‍ ഇല്ല എന്നതാണ് ഈ പ്രദേശത്തെ തെരെഞ്ഞെടുപ്പ് പ്രചാരണ രംഗത്ത് വ്യത്യസ്തമാക്കുന്നത്.

Also Read: 'മുസ്ലീം ലീഗിൻ്റെ ആരോപണം വാസ്തവ വിരുദ്ധം'; കെ പി എ മജീദിനെ വെല്ലുവിളിച്ച് എസ്‍ഡിപിഐ

യുഡിഎഫ്, എല്‍ഡിഎഫ്, എന്‍ഡിഎ സ്ഥാനാര്‍ഥികള്‍ തമ്മില്‍ കടുത്ത മത്സരം നടക്കുമ്പോഴും പ്രചാരണ രംഗത്തെ വ്യത്യസ്തത മറ്റു പ്രദേശങ്ങള്‍ക്ക് മാതൃകയാകുകയാണ്. സൗഹൃദങ്ങൾക്കും ബന്ധങ്ങൾക്കും കോട്ടം വരാതെ സൂക്ഷിക്കാനും പ്രദേശവാസികളുടെ പ്രശ്‌നങ്ങള്‍ പരിഹരിക്കുന്നതിനും ജാതി മത രാഷ്ട്രീയത്തിനതീതമായി രൂപീകരിച്ച കൂട്ടായ്മയാണ് അവസാന വാക്കെന്നും മുന്‍ പഞ്ചായത്ത് അംഗം കൂടിയായ എം എം ബള്‍ക്കീസ് പറഞ്ഞു. 120 ഓളം വീടുകളിലായി 350 ഓളം വോട്ടര്‍മാരുള്ള പ്രദേശത്ത് തെരഞ്ഞെടുപ്പ് പ്രചാരണങ്ങള്‍ ഒരു തടസവുമില്ലാതെ തികച്ചും സൗഹാര്‍ദ്ദത്തോടു കൂടി തന്നെയാണ് നടക്കുന്നതെന്നും പ്രദേശവാസികള്‍ പറയുന്നു.


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ