മലപ്പുറത്ത് ഇനി മുതൽ ഞായറാഴ്ചകളിൽ സമ്പൂർണ ലോക്ക് ഡൗൺ

മലപ്പുറം: മലപ്പുറം ജില്ലയിൽ ഇനി മുതൽ ഞായറാഴ്ചകളിൽ സമ്പൂർണ ലോക്ക് ഡൗൺ പ്രഖ്യാപിച്ചു. കൊവിഡ് രോഗികളുടെ എണ്ണം വർധിച്ച സാഹചര്യത്തിൽ ജില്ലാ ഭരണകൂടം കൂടുതൽ നിയന്ത്രണങ്ങൾ ഏർപ്പെടുത്തി. കഴിഞ്ഞ ദിവസങ്ങളിലായി ജില്ലയിൽ നിരവധി പേർക്കാണ് സമ്പർക്കത്തിലൂടെ രോഗം ബാധിച്ചത്.

Also Read: ലൈഫ് മിഷന്‍ പദ്ധതി; '20 കോടിക്ക് 1 കോടി കമ്മീഷൻ, സർക്കാർ സംവിധാനങ്ങൾ ഉപയോഗിച്ച് വന്‍ തട്ടിപ്പ്'

ഇന്നലെ മാത്രം ജില്ലയിൽ ഇരുന്നൂറിൽ കൂടുതൽ പേർക്കാണ് കൊവിഡ് സ്ഥിരീകരിച്ചത്. നിലവിൽ ആയിരത്തിലധികം പേരാണ് മലപ്പുറത്തെ വിവിധ കൊവിഡ് ആശുപത്രികളിലായി ചികിത്സയിൽ കഴിയുന്നത്. ക്രമാതീതമായി സമ്പർക്കത്തിലൂടെയുള്ള രോഗികളുടെ എണ്ണം വർധിക്കുന്നതാണ് ജില്ലാ ഭരണകൂടത്തിന് വെല്ലുവിളിയാകുന്നത്.

Also Read: കൊവിഡ് ബാധിച്ച് പെരിന്തല്‍മണ്ണ സ്വദേശി മരിച്ചു

നിലവിൽ നിയന്ത്രണങ്ങളില്ലാത്ത എല്ലാ പ്രദേശങ്ങളിലും രാവിലെ ഏഴു മുതൽ വൈകീട്ട് ഏഴു വരെ മാത്രമാണ് കടകൾ തുറന്നു പ്രവർത്തിക്കാൻ അനുവദിക്കുക. ഇതിനു പുറമേ ചില പ്രദേശങ്ങളിൽ പഞ്ചായത്തുകൾ നിശ്ചയിച്ച നിയന്ത്രണങ്ങൾ തുടരും. ഹോട്ടലുകളിൽ രാത്രി ഏഴു മണി മുതൽ ഒൻപതു മണിവരെ പാർസൽ സർവീസ് അനുവദിക്കും.

Also Read: 12 വയസ്സുകാരനെ പീഡിപ്പിക്കാന്‍ ശ്രമം; മലപ്പുറത്തെ ലീഗ് നേതാവിനെതിരെ പോക്‌സൊ പ്രകാരം കേസെടുത്തു