Dyfi Receives Award For Highest Blood Donation During Covid 19 Era In Malappuram
ഡിവൈഎഫ്‌ഐയുടെ മാതൃകാ പ്രവര്‍ത്തനത്തിന് അംഗീകാര മികവ്; മലപ്പുറം ജില്ലയില്‍ കൊവിഡ് കാലത്ത് ഏറ്റവും കൂടുതല്‍ രക്തം ദാനം ചെയ്തത് ഡിവൈഎഫ്ഐ
കൊവിഡ് 19 ന്‍റെ പശ്ചാത്തലത്തില്‍ പലരും രക്തം ദാനം ചെയ്യാന്‍ മടിച്ചിരുന്നു. ആശുപത്രികളില്‍ ആവശ്യത്തിനു രക്തം കിട്ടാതെ ശസ്ത്രക്രിയകള്‍ വരെ മുടങ്ങുന്ന സാഹചര്യമുണ്ടായിരുന്നു.
| Edited by Samayam Desk | Lipi2 Dec 2020, 1:57 am
മലപ്പുറം: കൊവിഡ് മഹാമാരി കാലത്തും ഡിവൈഎഫ്‌ഐയുടെ മാതൃകാ പ്രവര്‍ത്തനത്തിന് അംഗീകാരത്തിന്റെ മികവ്. രക്തദാനത്തിന് എല്ലാവരും മടിച്ചിരിന്ന ഈ കൊവിഡ് കാലത്ത് മലപ്പുറം ജില്ലയിലെ ബ്ലഡ് ബാങ്കിലേക്ക് ഏറ്റവും കൂടുതല്‍ രക്തം ദാനം ചെയ്തതിനുള്ള അവാര്‍ഡ് ഡിവൈഎഫ്ഐക്ക്. ജില്ലയില്‍ കഴിഞ്ഞ ഒമ്പതുവര്‍ഷമായി ഏറ്റവും കൂടുതല്‍ രക്തം ദാനം ചെയ്തതിനുള്ള അവാര്‍ഡും ഡിവൈഎഫ്ഐ മലപ്പുറം ജില്ലാ കമ്മിറ്റിക്ക് ലഭിച്ചിരുന്നു.
Samayam Malayalamഏറ്റവും കൂടുതല്‍ രക്തം ദാനം ചെയ്തതിനുള്ള പുരസ്‌കാരം ഡിവൈഎഫ്ഐ ജില്ലാ സെക്രട്ടറി പികെ മുബഷീര്‍, പ്രസിഡന്‍റ് കെ ശ്യാം പ്രസാദ് എന്നിവരുടെ നേതൃത്വത്തില്‍ കെഎ സീതിയില്‍ നിന്നും ഏറ്റു വാങ്ങുന്നു.
കൊവിഡ് 19 ന്‍റെ പശ്ചാത്തലത്തില്‍ പലരും രക്തം ദാനം ചെയ്യാന്‍ മടിച്ചിരുന്നു. ആശുപത്രികളില്‍ ആവശ്യത്തിനു രക്തം കിട്ടാതെ ശസ്ത്രക്രിയകള്‍ വരെ മുടങ്ങുന്ന സാഹചര്യമുണ്ടായി. കോളജുകളും സ്‌കൂളുകളും അടഞ്ഞു കിടന്നതോടെ രക്തദാന ക്യാംപുകള്‍ ഒട്ടേറെ മുടങ്ങി രക്തത്തിന്‍റെ ലഭ്യത വന്‍ തോതിലാണ് ബ്ലഡ് ബാങ്കുകളില്‍ കുറഞ്ഞത്. ഈ സാഹചര്യത്തിലാണ് ഡിവൈഎഫ്‌ഐയുടെ നേതൃത്വത്തില്‍ ബ്ലഡ് ബാങ്കുകളിലേക്ക് ആവശ്യമുള്ള രക്തമെത്തിക്കാനായി മുന്നിട്ടിറങ്ങിയതും ബ്ലഡ് ബാങ്കുകളിലേക്ക് ആവശ്യമായ രക്തമെത്തിക്കാനായതും. ജില്ലയില്‍ പെരിന്തല്‍മണ്ണ, മഞ്ചേരി, തിരൂര്‍ ബ്ലഡ് ബാങ്കുകളിലേക്കായി ഡിവൈഎഫ്ഐ 777 യൂണിറ്റ് രക്തമാണ് നല്‍കിയത്.
Also Read: ചുഴലിക്കാറ്റ്; തിരുവനന്തപുരത്ത് 48 വില്ലേജുകളിൽ പ്രത്യേക ശ്രദ്ധ, കടലിൽ പോകുന്നതിനു കർശന നിരോധനം, ദുരന്ത നിവാരണത്തിന് മുന്നൊരുക്കങ്ങള്‍ തുടങ്ങി കൊവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ഡിവൈഎഫ്ഐ യുടെ നേതൃത്വത്തില്‍ മഞ്ചേരി മെഡിക്കല്‍ കോളേജില്‍ പ്ലാസ്മ ദാനക്യാമ്പ് സംഘടിപ്പിച്ചിരുന്നു. ഏറ്റവും കൂടുതല്‍ രക്തം ദാനം ചെയ്തതിനുള്ള പുരസ്‌കാരം ഡിവൈഎഫ്ഐമലപ്പുറം ജില്ലാ സെക്രെട്ടറി പികെ മുബഷീര്‍, പ്രസിഡന്‍റ് കെ ശ്യാം പ്രസാദ് എന്നിവരുടെ നേതൃത്വത്തില്‍ ഐഎംഎ ബ്ലഡ് ബാങ്കുകളുടെ സേ്റ്ററ്റ് ചെയര്‍മാന്‍ കെഎ സീതിയില്‍ നിന്നും ഏറ്റു വാങ്ങി. ഡിവൈഎഫ്ഐ പെരിന്തല്‍മണ്ണ ബ്ലോക്ക് പ്രസിഡന്‍റ് പി ഷാജി, ട്രഷറര്‍ ഷിജില്‍, നീരജ, കെപി അനീഷ്, കെ ഷാജി, രാഹുല്‍, എന്നിവര്‍ പങ്കെടുത്തു.
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
