മലപ്പുറത്ത് 11 വയസ്സുകാരിയെ മാസങ്ങളോളം പീഡിപ്പിച്ചു; എറണാകുളം സ്വദേശി അറസ്റ്റില്‍

മലപ്പുറം: മലപ്പുറം ഒതുക്കുങ്ങലിലെ 11വയസ്സുകാരിയായ പെണ്‍കുട്ടിയെ മാസങ്ങളോളം പീഡിപ്പിച്ച കേസില്‍ എറണാകുളം സ്വദേശി അറസ്റ്റില്‍. ഒതുക്കുങ്ങല്‍ മറ്റത്തൂര്‍ മുനമ്പത്ത് വാടക ക്വാര്‍ട്ടേസില്‍ താമസക്കാരനായ ബെന്നിക്കോയ(55)യെയാണ് കോട്ടക്കല്‍ പോലിസ് അറസ്റ്റ് ചെയ്തത്. സമീപത്ത് രക്ഷിതാക്കള്‍ക്കൊപ്പം വാടകക്ക് താമസിക്കുന്ന പതിനൊന്ന് കാരിയെ മാസങ്ങളായി ഇയാള്‍ പീഡിപ്പിച്ചുവെന്നാണ് പരാതി.

Also Read: മാക്കൂട്ടം ചുരം പാതയിലുടെ 13 മുതൽ യാത്രക്കാരെ കയറ്റി വിടും; ചരക്കു വാഹനങ്ങൾ വന്നു തുടങ്ങി

ചൈല്‍ഡ് ലൈനിന് കിട്ടിയ വിവരത്തിന്‍റെ അടിസ്ഥാനത്തില്‍ ചെയില്‍ഡ് ലൈനും പോലിസും നടത്തിയ അന്വേഷണത്തില്‍ പരാതി ശരിയാണെന്ന് ബോധ്യപ്പെട്ടതിനെ തുടര്‍ന്നായിരുന്നു അറസ്റ്റ്. സജീവ സിപിഎം പ്രവര്‍ത്തകനും യുക്തിവാദിയുമായ ഇയാളുടെ അറസ്റ്റ് വൈകിപ്പിക്കാന്‍ ഉന്നത തല ഇടപെടല്‍ ഉണ്ടായിരുന്നതായി ബന്ധുക്കള്‍ ആരോപിച്ചു. ഇതര സംസ്ഥാനക്കാരായ കുട്ടിയുടെ രക്ഷിതാക്കളെ സ്വാധാനിച്ച് മൊഴിമാറ്റാനുള്ള ശ്രമം നടന്നിരുന്നതായും പരാതിയുണ്ട്. പൊതുപ്രവര്‍ത്തകരുടെ ഇടപെടലിനെ തുടര്‍ന്നാണ് ഈ നീക്കം പൊളിഞ്ഞത്.

Also Read: ഫോർട്ട് കൊച്ചി ക്ലസ്റ്ററിൽ കൊവിഡ് വ്യാപനം രൂക്ഷം; സമ്പർക്ക രോഗികൾ വർദ്ധിച്ചു

അതിഥി സംസ്ഥാനക്കാരിയായ കുട്ടിയുടെ മൊഴി ശക്തമായതോടെ പോലിസിന് അറസ്റ്റ് ഒഴിവാക്കാനായില്ല. കേസില്‍ നിസാര വകുപ്പ് ചുമത്തി പ്രതിയെ രക്ഷിക്കാന്‍ നീക്കം നടക്കുന്നതായി ആരോപണമുയര്‍ന്നിട്ടുണ്ട്. പ്രതി മന്ത്രി ജലീല്‍ ശ്രീമതി ടീച്ചര്‍ അടക്കമുള്ള ഉന്നത സിപിഎം നേതാക്കളുമായി ബന്ധം സ്ഥിരീകരിക്കുന്ന വിവിധ ഫോട്ടോകളും പുറത്ത് വന്നിട്ടുണ്ട്. മലപ്പുറം ചീഫ് ജുഡീഷ്യല്‍ മജിസ്ട്രേറ്റ് കോടതിയില്‍ ഹാജരാക്കിയ പ്രതിയെ കോടതി റിമാന്‍ഡ് ചെയ്തു.