യാസര്‍ എടപ്പാളിനെ തള്ളി മുസ്ലീം ലീഗ്, പിന്തുണക്കില്ലെന്ന് നേതൃത്വം; മന്ത്രി കെ ടി ജലീലിൻ്റെ ഓഫീസ് ഉപരോധിച്ച് കുടുംബം

മലപ്പുറം: പ്രവാസിയായ മകനെ നാട് കടത്താന്‍ സ്വപ്ന സുരേഷിലൂടെ മന്ത്രി കെ ടി ജലീല്‍ ഹീനമാര്‍ഗമാണ് സ്വീകരിച്ചതെന്നാരോപിച്ച് യാസര്‍ എടപ്പാളിൻ്റെ കുടുംബം ജലീലിൻ്റെ ഓഫീസ് ഉപരോധിച്ചു. പിതാവ് എം കെ എം അലി, സഹോദരി ഭര്‍ത്താവ് കെ എച്ച് ഹാരിസ്, പിതൃ സഹോദരൻ്റെ മകന്‍ സാബിര്‍ എന്നിവരുടെ നേതൃത്വത്തിലാണ് മന്ത്രിയുടെ നരിപ്പറമ്പിലെ ഓഫീസ് ഉപരോധിച്ചത്. ഉപരോധ സമരം യൂത്ത് കോണ്‍ഗ്രസ് സംസ്ഥാന സെക്രട്ടറി പി ഇഫ്ത്തിഖാറുദ്ധീന്‍ ഉദ്ഘാടനം ചെയ്തു. ഇബ്രാഹിം മൂതൂര്‍, നൗഫല്‍ സി തണ്ടിലം, സലീം നരിപ്പറമ്പ് സംസാരിച്ചു.

Also Read: കൊവിഡ് കാലത്ത് മാതൃകയായി വിദ്യാര്‍ത്ഥികള്‍, കൃഷി ചെയ്തത് രണ്ടേക്കര്‍ ഭൂമിയില്‍, കൃഷി ഇറക്കുന്നത് നാലാം വര്‍ഷം

അതേസമയം മുസ്ലീം ലീഗിൻ്റെ സൈബര്‍ പോരാളിയായി അറിയപ്പെടുന്ന യാസര്‍ എടപ്പാള്‍ മുസ്ലീം ലീഗിൻ്റെയോ, പോഷക സംഘടനയുടെയോ ഭാരവാഹിയല്ലെന്ന് തവനൂര്‍ മണ്ഡലം മുസ്ലീം ലീഗ് സെക്രട്ടറി ആര്‍ കെ ഹമീദ് അറിയിച്ചു. യാസറിന് സൈബര്‍ വിംഗിൻ്റെ ചുമതല ഇല്ലെന്നും മോശമായ ഫേസ്ബുക്ക് പോസ്റ്റിനെ നാളിതുവരെ പിന്തുണച്ചിട്ടില്ലെന്നും അദ്ദേഹം പറഞ്ഞു.

Also Read: പ്രധാനമന്ത്രി റിസര്‍ച്ച് ഫെലോഷിപ്പ് തിളക്കത്തിൽ മലപ്പുറത്തെ കാവ്യ ജോസ്


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


മലപ്പുറം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ